پنجابی مسلمان "پاکستان ' پنجابی قوم ' مسلم امہ" وچ وڈا کردار ادا کرسکدا اے۔

پاکستانی پنجابی مسلمان دی ' پاکستان وچ آبادی پاکستان دی آبادی دا 60% اے۔ پاکستانی پنجابی مسلمان دی ' پنجابی قوم وچ آبادی پنجابی قوم دی آبادی دا 56% اے۔ پاکستانی پنجابی مسلمان دی ' مسلم امہ وچ آبادی مسلم امہ دی آبادی دا 6% اے۔

پاکستانی پنجابی مسلمان اصل وچ پاکستان ' پنجابی قوم تے مسلم امہ وچ اک "برجنگ تے بائنڈنگ فورس" اے۔ ایس کر کے پاکستانی پنجابی مسلمان دا پاکستان وچ وی ' پنجابی قوم وچ وی تے مسلم امہ وچ وی "لیڈنگ رول" اے۔

پاکستانی پنجابی مسلمان دے پاکستان وچ ' پنجابی قوم وچ تے مسلم امہ وچ "برجنگ ' بائنڈنگ تے لیڈنگ رول" نوں ھور "ایکٹیو تے افیکٹو" کرن لئی ضروری اے کہ؛ پاکستانی پنجابی مسلمان دی شناخت پاکستانی پنجابی مسلمان دے طور تے ھائی لائیٹ ھووے۔ جیس لئی ضروری اے کہ؛ پنجابی بچیاں تے نوجواناں نوں تعلیم پنجابی زبان وچ دتی جاوے ' نہ کہ اردو وچ۔

اردو پنجاب دے 5 دریاواں دی دھرتی دی نئیں بلکہ ھندوستان دے "گنگا جمنا" دے علاقے دی بولی اے تے ھندی دی سسٹر لینگویج اے۔ ایس اردو دے کر کے ای بنگالی قوم پاکستان توں وکھ ھوئی تے اے اردو ای اے جیہڑی پنجابی قوم لئی پاکستان دی آں قوماں تے مسلم امہ نال رابطہ تے محبت ودھان دے بجائے اک تنازعہ تے فساد دا سبب بنی ھوئی اے۔

مسلم امہ دی 01۔ پہلی وڈی زبان عربی اے۔ 02۔ دوجی وڈی زبان بنگالی اے۔ 03۔ تیجی وڈی زبان پنجابی اے۔ 04۔ چوتھی وڈی زبان جاوانی اے۔ 05۔ پنجویں وڈی زبان ترکی اے۔ 06۔ چھیویں وڈی زبان فارسی اے۔ 07۔ ستویں وڈی زبان پشتو اے۔ 08۔ اٹھویں وڈی زبان اردو اے۔ 09۔ نویں وڈی زبان سندانی اے۔ 10۔ دسویں وڈی زبان ازبک اے۔

دنیا دی آں تن وڈیاں طاقتاں امریکہ ' چین تے روس نے پنجابی نال بنا کے رکھنی اے۔ پنجابی دا چین نال پہلے توں ای واسطہ اے تے ھن روس نال وی واسطہ ودھ رے آ اے۔ جے امریکہ نے پنجابی نال بنا کے نہ رکھنی تے فے پنجابی دا واسطہ چین تے روس نال ودھ جانا اے۔

مسلم امہ دی پہلی وڈی زبان عربی بولن والے آں دی آپس وچ ای نئیں بن دی۔ مسلم امہ دی دوجی وڈی زبان بنگالی بولن والے اپنے آپ تک ای محدود نے۔ ایس لئی اگے جاکے مسلم امہ دی قیادت پنجابی نے کرنی اے۔ پنجابی نال پہلوں مسلم امہ دی پنجویں وڈی زبان ترکی بولن والے آں نے ' چھیویں وڈی زبان فارسی بولن والے آں نے ' دسویں وڈی زبان ازبک بولن والے آں نے موڈھے نال موڈھا جوڑ کے کھلونا اے۔

اوس توں مگروں مسلم امہ دی پہلی وڈی زبان عربی بولن والے آں نوں ' دوجی وڈی زبان بنگالی بولن والے آں نوں ' چوتھی وڈی زبان جاوانی بولن والے آں نوں ' نویں وڈی زبان سندانی بولن والے آں نوں وی موڈھے نال موڈھا جوڑ کے کھلونا پینا اے۔

اے ویلا اودوں آنا اے؛ جد پنجابی اپنے آپ نوں پنجابی سمجھن لگ پئے گا۔ پنجابی زبان بولن تے پنجابی ثقافت اختیار کرن تے فخر کرن لگ پووے گا۔ پنجابی قوم نوں سماجی ' انتظامی ' معاشی تے اقتصادی ترقی دوان وچ لگ جاووے گا۔

ھجے تے پنجابی مسلم امہ دی ستویں وڈی زبان پشتو بولن والے آں تے اٹھویں وڈی زبان اردو بولن والے آں وچ پھسیا ھویا اے۔ پنجابی نوں سمجھ ای نئیں آندی کہ پشتو بولن والے آں تے اردو بولن والے آں نال پنجابی کی کرے؟

پاکستانی پنجابی مسلمان دی زبان پنجابی ' ثقافت پنجابی تے تہذیب پنجابی ھو جان تے پاکستانی پنجابی مسلمان نہ صرف پاکستان تے پنجابی قوم بلکہ مسلم امہ وچ وی ھور "ایکٹیو ' افیکٹو تے رسپیکٹ ایبل" ھو جاوے گا۔ جیس دے کر کے پاکستانی پنجابی مسلمان اپنا "لیڈر شپ والا رول" ھورچنگے طریقے نال ادا کر کے پاکستان ' پنجابی قوم تے مسلم امہ وچ "کورڈینیشن ' کوآپریشن تے کونسینسس" دا ماحول بنا کے پاکستان ' پنجابی قوم تے مسلم امہ نوں سماجی استحکام تے اقتصادی ترقی دے رستے تے چلا سکے گا۔

انج کرن نال پاکستان ' پنجابی قوم تے مسلم امہ دا "انٹیلکچوئل ٹیلنٹ ' پروفیشنل اسکل تے اکنامک ریسورسز" آپس وچ مل کے پاکستان ' پنجابی قوم تے مسلم امہ نوں سماجی طور تے مستحکم جد کہ اقتصادی طور تے ترقی یافتہ بنا دین گے۔