"پی این ایف" دا مختصر تعارف

پنجابی نیشنلسٹ فورم (پی این ایف) پنجابی قوم دے سماجی تے معاشی مسائل جد کہ پنجاب دے انتظامی تے اقتصادی معاملات دا مقدمہ علمی انداز نال پیش کرن لئی اک "دانشورانہ فورم" اے۔ ایس مقصد لئی "پی این ایف" پنجابی قوم پرستاں وچ "سیاسی بصیرت" دے نال نال "قائدانہ صلاحیت" وی پیدا کر ریہا اے۔

پنجابی قوم پرستاں وچ "سیاسی بصیرت" لئی "پی این ایف" دے لکھے ھوئے مضمون ھر پنجابی نوں پڑھن لئی "پی این ایف" دی لیڈرشپ ولوں مل رئے نے۔ "پی این ایف" دے لکھے ھوئے مضمون جے کوئی پنجابی پڑھنا چاھے تے اوس دی مرضی۔ جے کوئی پنجابی "پی این ایف" دے لکھے ھوئے مضمون نہ پڑھنا چاوے تے "پی این ایف" دی لیڈرشپ زبردستی کسے پنجابی نوں پڑھن لئی نئیں آکھدی۔

پنجابی قوم پرستاں وچ "قائدانہ صلاحیت" پیدا کرن لئی پی این ایف (پنجابی نیشنلسٹ فورم) دی تنظیم بنی ھوئی اے۔

پنجابی نیشنلسٹ فورم دے پاکستان وچ 8️⃣ زوناں دے زونل آرگنائزر تے ڈپٹی زونل آرگنائزر بنا دتے گئے نے۔ سارے زونل آرگنائزر تے ڈپٹی زونل آرگنائزر اپنی اپنی زون دا کم ودھیا طریقے نال کر رئے نے۔ اک زونل آرگنائزر تے ڈپٹی زونل آرگنائزر دوجی زون دا کم نئیں کردا۔ تاکہ اپنی زون دے مسئلیاں تے دھیان رکھ سکے۔ پر دوسری زون دے زونل آرگنائزر تے ڈپٹی زونل آرگنائزر دی درخواست تے تعاون ضرور کردا اے۔ اپنی اپنی زون وچ زونل آرگنائزراں نے اعلیٰ تعلیم یافتہ ' سیاسی شعور تے پنجابی قوم دے لئی کم کرن دا جذبہ رکھن والے 1️⃣0️⃣ میمبراں دی ایگزیکٹو کمیٹی بنائی اے۔ "پنجابی نیشنلسٹ فورم" دے اوورسیز ونگ تے لینگویج ' لٹریچر ' کلچر ' بلاگ/ویب سائٹ ' ٹوئیٹر ' یوٹیوب سیکشن وی بنائے گئے نے۔ پنجابی نیشنلسٹ فورم وچ؛ 1۔ علمی صلاحیت تے سیاسی شعور والے پنجابیاں نوں زون دی سطح تے اھمیت دتی جاندی اے۔ 2۔ مالی وسائل تے سیاسی شعور والے پنجابیاں نوں ڈسٹرکٹ دی سطح تے اھمیت دتی جاندی اے۔ 3۔ عوامی تعلقات تے سیاسی شعور والے پنجابیاں نوں تحصیل دی سطح تے اھمیت دتی جاندی اے۔ "پی این ایف" دی سینٹرل لیڈرشپ دا کم "پی این ایف دا سیاسی پروگرام بنانا" اے۔ "پی این ایف" دی زونل لیڈرشپ دا کم "بنائے گئے سیاسی پروگرام تے عمل کرانا" اے۔ "پی این ایف" دی ڈسٹرکٹ لیڈرشپ دا کم "بنائے گئے سیاسی پروگرام تے عمل کرنا" اے۔ "پی این ایف" دی تحصیل لیڈرشپ دا کم "بنائے گئے سیاسی پروگرام تے عمل کرن والے آں دے نال تعاون" کرنا ھووے گا۔ "پی این ایف" دے سینٹرل ' زونل ' ڈسٹرکٹ ' تحصیل آرگنائزر اپنی اپنی سطح تے ذمہ دار تے با اختیار ھین۔ "پی این ایف" دے ھر زون تے سیکشن دا مشن بنیا ھویا اے۔ "پی این ایف" دی سینٹرل لیڈرشپ نوں پالیسی دینا چیف آرگنائزر دی ذمہ داری تے اختیار اے۔ زونل لیڈرشپ نوں پروگرام دینا زونل آرگنائزر دی ذمہ داری تے اختیار اے۔ سیکشن لیڈرشپ نوں پروگرام دینا سیکشن کوآرڈینیٹر دی ذمہ داری تے اختیار اے۔ پروگرام تے عمل کروانا تے عمل کروان دے طریقہ طے کرنا زونل ٹیم دی ذمہ داری تے اختیار اے۔ پروگرام تے عمل کرنا تے عمل کرن دے طریقہ طے کرنا ڈسٹرکٹ ٹیم دی ذمہ داری تے اختیار اے۔ پروگرام تے عمل کرن والیاں دے نال تعاون کرنا تے تعاون کرن دے طریقہ طے کرنا تحصیل ٹیم دی ذمہ داری تے اختیار اے۔ "پی این ایف" دے معیار دے مطابق کارکردگی نہ ھون تے سینٹرل لیڈرشپ نوں زون ' زونل لیڈرشپ نوں ڈسٹرکٹ ' ڈسٹرکٹ لیڈرشپ نوں تحصیل وچ جانا پووے گا۔ "پی این ایف" دے مشن ' پالیسی' پروگرام دی خلاف ورزی ' ذمہ داری ادا نہ کرن ' اختیار دا غلط استعمال کرن تے سینٹرل ' زونل ' ڈسٹرکٹ ' تحصیل لیڈرشپ دے خلاف ایکشن لے آ جائے گا۔ جیہڑے پنجابی قوم پرست اپنے چ "قائدانہ صلاحیت" پیدا کرن لئی "پی این ایف" وچ شامل ھون دے خواھشمند ھون۔ انہاں نوں گزارش اے کہ درج ذیل چنگی طراں پڑھ کے سمجھ لین؛ 📖0️⃣1️⃣ پی این ایف دا "وژن" 📖0️⃣2️⃣ پی این ایف دا "مشن" 📖0️⃣3️⃣ پی این ایف دے "پاکستان وچ زون" 📖0️⃣4️⃣ پی این ایف دے "اوورسیز ونگ" 📖0️⃣5️⃣ پی این ایف دے "سیکشن" 📖0️⃣6️⃣ پی این ایف دے "قوائد تے ضوابط" 📖0️⃣7️⃣ پی این ایف دی "لیڈرشپ" 📖0️⃣8️⃣ پی این ایف دی "لیڈرشپ دا نظم تے ضبط" 📖0️⃣9️⃣️ پی این ایف دی "ایس ویلے صورتحال" 📖1️⃣0️⃣ پی این ایف وچ "شامل ھون دا طریقہ" اپنی موجودہ آئی ڈی نوں اپنے ذاتی استعمال دے لئی رکھن تے "پی این ایف دی ٹیم" وچ شامل ھون دے لئی وکھری آئی ڈی بنا لین۔

"پی این ایف" دے چیف آرگنائزر Shahbaz Arain یا ڈپٹی چیف آرگنائزر Shahnaz Awan دی ٹائم لائن تے مضمون پڑھیا کرن تے جیس مضمون نوں اپنی زون دے مشن دے مطابق سمجھن۔ اوس مضمون نوں کاپی کرکے اپنی "پی این ایف" دے لئی بنائی گئی آئی ڈی دی ٹائم لائن تے پوسٹ کر دے آ کرن۔

"پی این ایف" دے لئی بنائی گئی اپنی آئی ڈی دی ٹائم لائن تے 1️⃣0️⃣- 1️⃣5️⃣ دن مضمون پوسٹ کرن توں بعد؛

انٹرویو دین لئی متعلقہ زون دے ڈپٹی زونل آرگنائزر نال رابطہ کرن۔ ۔(Shahbaz Arain)۔ چیف آرگنائزر

پنجابی نیشنلسٹ فارم