پنجابیاں دا دنیا وچ سب توں وڈا شھر لاھور اے۔ ایس لئی لاھور وچ پنجابی زبان ' پنجابی ادب ' پنجابی ثقافت نوں تگڑا کرن توں پہلوں پنجاب وچ ریہن والے یا پنجاب نال تعلق رکھن والے پنجابیاں نوں پنجاب توں بار ریہن والے پنجابیاں نوں پنجابی زبان ' پنجابی تہذیب ' پنجابی ثقافت اختیار کرن دی تبلیغ کرن دی لوڑ نئیں اے۔ نہ ای پنجاب توں بار دے شھراں تے علاقیاں وچ رین والے پنجابیاں نوں تانے ' میہنے ' ٹوکاں مارنا ٹھیک اے۔ کیونکہ پنجاب توں بار رین والے پنجابیاں لئی ضروری نئیں اے کہ؛ او پنجابی زبان ' پنجابی ادب ' پنجابی ثقافت اختیار کرن۔ او جیس شھر یا علاقے وچ ریہندے نے اوس شھر یا علاقے دی زبان ' تہذیب ' ثقافت اختیار کرکے اوس قوم دا حصہ بنن دا اختیار رکھدے نے۔
ھر تھاں ریہن والا اپنی عزت ' جان ' مال دا تحفظ پہلے سوچدا ھوندا اے۔ اوس توں بعد اپنے سماجی ' سیاسی ' معاشی ' انتظامی مسئلے حل کردا ھوندا اے۔ پنجاب توں بار ریہن والے پنجابیاں نوں پنجابی زبان ' پنجابی تہذیب ' پنجابی ثقافت توں علاوہ وی سماجی ' سیاسی ' معاشی ' انتظامی مسئلے نے۔ ایس لئی پنجاب توں بار ریہن والے پنجابیاں نے پہلے اپنی عزت ' جان ' مال ' کاروبار دا سوچنا اے نہ کہ؛ پنجابی زبان ' پنجابی تہذیب ' پنجابی ثقافت دے چکر وچ پے آ ریہنا اے۔
پنجاب توں بار ریہن والے پنجابیاں نوں پنجابی زبان ' پنجابی تہذیب ' پنجابی ثقافت اختیار کرن دا آکھن توں پہلوں پنجاب وچ تے خاص طور تے وسطی پنجاب وچ پنجابی زبان ' پنجابی تہذیب ' پنجابی ثقافت نوں فروغ دینا ضروری اے۔ کیونکہ وسطی پنجاب دا پنجابی جے پنجابی زبان ' پنجابی ادب ' پنجابی ثقافت نوں بچائے گا تے فے ای پنجاب توں بار ریہن والے پنجابی وی پنجابی زبان ' پنجابی ادب ' پنجابی ثقافت ول دھیان کرن گے۔ نئیں تے پنجاب توں بار ریہن والے پنجابیاں نوں پنجابی زبان ' پنجابی ادب ' پنجابی ثقافت ول دھیان دین دی کی لوڑ اے؟
No comments:
Post a Comment