زبان ' تہذیب ' ثقافت دا اثر وڈے شھراں توں چھوٹے شھراں تے پے آ کردا اے۔ پنجابیاں دا دنیا وچ سب توں وڈا شھر لاھور اے۔ جد تک لاھور وچ پنجابی زبان ' پنجابی ادب ' پنجابی ثقافت وادھا نئیں مارے گی۔ اویس ویلے تک پنجاب وچ پنجابی زبان ' پنجابی ادب ' پنجابی ثقافت نے تگڑا نئیں ھونا تے پنجابیاں نے پنجابی زبان دے لہجیاں دی بنیاد تے ونڈے ریہنا اے۔ ایس لئی پنجابی زبان ' پنجابی تہذیب ' پنجابی ثقافت نوں خاص طور تے لاھور وچ وادھا دین دی کوشش تے بوھتا دھیان دتا جاوے۔
لاھور دی انارکلی ' شاہ عالمی ' رنگ محل ' گوالمنڈی تے ماڈل ٹاﺅن وچ پاکستان بنن توں بعد یوپی ' سی پی دے بھیے آکے قابض ھوگئے سن۔ انہاں بھیاں نے سارے لاھور تے اپنا سماجی اثر قائم کر لے آ سی۔ اردو زبان تے گنگا جمنا دی تہذیب تے ثقافت نوں لاھور تے نافض کر دتا سی۔ ایس لئی ایس تے دھیان دین دی لوڑ اے کہ؛
1۔ لاھور دا پنجابی لاھور وچ پنجابی زبان ' پنجابی ادب ' پنجابی ثقافت نوں کیویں وادھا دے سکدا اے؟
2۔ کی لاھور دا پنجابی لاھور وچ پنجابی زبان ' پنجابی ادب ' پنجابی ثقافت نوں وادھا دین لئی لاھور دی انارکلی ' شاہ عالمی ' رنگ محل ' گوالمنڈی تے ماڈل ٹاﺅن دے بھیے دا مقابلہ کرسکدا اے؟
3۔ لاھور وچ یوپی ' سی پی دے بھیاں نے پنجابیاں نوں "تن کے رکھیا" ھویا اے۔ جیہڑے پنجابی لاھور وچ بھیاں دی سماجی غلامی توں نجات حاصل نئیں کرسکے۔ انہاں نے پنجابی زبان ' پنجابی ادب ' پنجابی ثقافت لئی کی کر لینا اے؟
No comments:
Post a Comment