ھر انسان دا بنیادی مسئلہ گھر ' گھرانے ' خاندان ' برادری تے قوم دی سماجی عزت ' معاشی خوشحالی ' انتظامی بالادستی ' اقتصادی ترقی ھوندا اے۔
افراد مل کے گھر بناندے نے تے گھر وچ بھرا وی لڑ پیندے نے۔ گھر مل کے گھرانہ بناندے نے تے گھرانے وچ گھر وی لڑ پیندے نے۔ گھرانے مل کے خاندان بناندے نے تے خاندان وچ گھرانے وچ لڑ پیندے نے۔ خاندان مل کے برادری بناندے نے تے برادری وچ خاندان وی لڑ پیندے نے۔ برادریاں مل کے قوم بناندیاں نے تے قوم وچ برادیاں وی لڑ پیندیاں نے۔
گھر وچ مسئلہ گھر دے افراد دے کرکے ھوندا اے۔ ایس لئی گھر وچ ھون والے مسئلہ نوں گھر دے افراد گھر دی سطح تے ای حل کردے نے تاکہ گھر دی گل گھر تک ای رووے۔
گھرانے وچ مسئلہ گھرانے دے گھراں دے کرکے ھوندا اے۔ ایس لئی گھرانے وچ ھون والے مسئلہ نوں گھراں والے گھرانے دی سطح تے ای حل کردے نے تاکہ گھرانے دی گل گھرانے تک ای رووے۔
خاندان وچ مسئلہ خاندان دے گھرانیاں دے کرکے ھوندا اے۔ ایس لئی خاندان وچ ھون والے مسئلہ نوں گھرانیاں والے خاندان دی سطح تے ای حل کردے نے تاکہ خاندان دی گل خاندان تک ای رووے۔
برادری وچ مسئلہ برادری دے خانداناں دے کرکے ھوندا اے۔ ایس لئی برادری وچ ھون والے مسئلہ نوں خانداناں والے برادری دی سطح تے ای حل کردے نے تاکہ برادری دی گل برادری تک ای رووے۔
قوم وچ مسئلہ قوم دی برادریاں دے کرکے ھوندا اے۔ ایس لئی قوم وچ ھون والے مسئلہ نوں برادریاں والے قوم دی سطح تے ای حل کردے نے تاکہ قوم دی گل قوم تک ای رووے۔
گھر ' گھرانے ' خاندان دے مسئلے ذاتی ھوندے نے۔ برادری دے مسئلے سماجی ھوندے نے۔ قوم دے مسئلے سماجی وی ھوندے نے تے سیاسی وی ھوندے نے۔ قوم دی آں برادریاں دے آپس وچ مسئلے سماجی ھوندے نے تے دوجیاں قوماں نال مسئلے سیاسی ھوندے نے۔
قوم دی سماجی عزت ' معاشی خوشحالی ' انتظامی بالادستی ' اقتصادی ترقی اودوں ھوندی اے جد؛ اس قوم دے اسٹیبلشمنٹ ' بیوروکریسی ' صنعت ' تجارت ' صحافت ' وکالت ' سفارت ' سیاست نال جڑے لوکاں وچ قوم پرستی ھووے۔
No comments:
Post a Comment