پنجابی
قوم پرستی دا کم 2012 وچ شروع کیتا گیا۔ 2016 تک پنجابی قوم پرستی دا
"بی" تیار ھو چکیا سی۔ (پنجابی قوم پرستی نوں "فالو" کرن والے
تیار ھو چکے سن) مطلب اے وے کہ؛ پنجابی قوم پرستی نوں "فالو" کرن والے
2016 تک لکھاں دی تعداد وچ تیار ھو چکے سن۔ اے پنجابی قوم پرستی دا "فرسٹ
فیس" سی۔
"پنجابی
قوم پرستی نوں فالو" کرن والے علمی صلاحیت تے مالی وسائل نہ ھون دے کرکے پر سیاسی
شعور تے عوامی تعلقات ھون دے کرکے ' اپنے گھر تے کاروبار تے دھیان دین دے نال نال
پنجاب تے پنجابی قوم دے سماجی ‘ سیاسی ‘ معاشی مسئلیاں تے سوچ ' وچار کرکے ' رو پٹ
سکدے نے ' رولا پا سکدے نے ' پنجاب تے پنجابی قوم لئی کجھ کرن لئی اک دوجے نوں آکھ
سکدے نے۔ اے کم 2016 وچ لکھاں دی تعداد وچ پنجابی کرن لگ پئے سن۔ اے پنجابی قوم
پرستی دا "بی" سی۔ قوم پرستی نوں "فالو" کرن والے اپنی اپنی
تحصیل / شھر دی سطح تے پنجابی قوم پرستی دا کم کر رئے نے۔ (اپنی اپنی تحصیل / شھر
دی دی سطح تے پنجابی قوم پرستی دا کم کرن والے آں نوں پنجابی نیشنلسٹ فورم تے پی
این ایف دا تحصیل / شھر آرگنائزر بنایا جاووے گا)
2017
وچ پنجابی قوم پرستی دی "پنیری" لگنا شروع ھو گئی سی۔ (پنجابی قوم پرستی
نوں "سپورٹ" کرن والے تیار ھونا شروع ھو گئے سن) مطلب اے وے کہ؛ لکھاں
دی تعداد وچ پنجابی قوم پرستی نوں "فالو" کرن والے آں چوں 2017 وچ
پنجابی قوم پرستی نوں "سپورٹ" کرن والے ھزاراں دی تعداد وچ تیار ھونا
شروع ھو گئے سن۔ باقی نے پنجابی قوم پرستی نوں "فالو" کرن والے ای رینا
سی۔ اے پنجابی قوم پرستی دا "سیکنڈ فیس" سی۔
"پنجابی
قوم پرستی نوں سپورٹ" کرن والے علمی صلاحیت نہ ھون دے کرکے پر سیاسی شعور تے مالی
وسائل ھون دے کرکے ' اپنے گھر تے کاروبار تے دھیان دین دے نال نال پنجاب تے پنجابی
قوم دے سماجی ‘ سیاسی ‘ معاشی مسئلیاں تے سوچ ' وچار کرکے رونا ' پٹنا نئیں کردے '
نہ رولا پاندے نے ' نہ پنجاب تے پنجابی قوم لئی کجھ کرن لئی اک دوجے نوں آکھدے
ریندے نے۔ او پنجاب تے پنجابی قوم دے سماجی یا سیاسی یا معاشی مسئلیاں واسطے کم
کرن والے کسے بندے دا ھتھ ونڈان لگ پیندے نے۔ اے کم 2017 وچ لکھاں دی تعداد وچ
تیار "بی" چوں ' ھزاراں دی تعداد وچ تیار ھون والی پنجابی قوم پرستی دی
"پنیری" نے کرنا شروع کر دتا سی۔ قوم پرستی نوں "سپورٹ" کرن
والے اپنے اپنے ضلع دی سطح تے پنجابی قوم پرستی دا کم کر رئے نے۔ (اپنے اپنے ضلع
دی سطح تے پنجابی قوم پرستی دا کم کرن والے آں نوں پنجابی نیشنلسٹ فورم تے پی این
ایف دا ڈسٹرکٹ آرگنائزر بنایا جاووے گا)
2018
وچ پنجابی قوم پرستی دے "بُوٹے" تیار ھونا شروع ھو گئے سن۔ (پنجابی قوم
پرستی لئی "ورک" کرن والے تیار ھونا شروع ھو گئے سن) مطلب اے وے کہ؛
ھزاراں دی تعداد وچ پنجابی قوم پرستی نوں "سپورٹ" کرن والے آں چوں 2018
وچ پنجابی قوم پرستی لئی ”ورک" کرن والے سینکڑاں دی تعداد وچ تیار ھونا شروع
ھو گئے سن۔ باقی نے پنجابی قوم پرستی نوں "سپورٹ" کرن والے تے قوم پرستی
نوں "فالو" کرن والے ای رینا سی۔ اے پنجابی قوم پرستی دا "تھرڈ
فیس" سی۔
پنجابی
قوم پرستی لئی "ورک" کرن والے سیاسی شعور تے علمی صلاحیت ھون دے کرکے '
اپنے گھر تے کاروبار تے دھیان دین دے نال نال پنجاب تے پنجابی قوم دے سماجی یا
سیاسی یا معاشی مسئلیاں تے سوچ ' وچار کرکے رونا ' پٹنا وی نئیں کردے ' رولا وی
نئیں پاندے ' نہ پنجاب تے پنجابی قوم لئی کجھ کرن لئی اک دوجے نوں آکھدے ریندے نے۔
او پنجاب تے پنجابی قوم دی سماجی یا سیاسی یا معاشی ترقی دا "پروگرام"
بنان والے کسے بندے دے "پروگرام" نوں پنجابی قوم پرستی نوں
"سپورٹ" کرن والے پنجابی قوم پرستاں کولوں "سپورٹ" کروان لگ
پیندے نے۔ اے کم 2018 وچ ھزاراں دی تعداد وچ تیار "پنیری" چوں سینکڑاں
دی تعداد وچ تیار ھون والے پنجابی قوم پرستی دے "بُوٹیاں" نے کرنا شروع
کر دتا سی۔ قوم پرستی لئی "ورک" کرن والے اپنے اپنے زون دی سطح تے
پنجابی قوم پرستی دا کم کر رئے نے۔ (پنجابی نیشنلسٹ فورم تے اے کم پی این ایف دے
زون دی ایگریکٹو کمیٹی دے میمبر کر رئے نے)
2019
وچ پنجابی قوم پرستی دے "پُھل" اُگن لگ پئے سن۔ (پنجابی قوم پرستاں دی
"قیادت" کرن والے تیار ھون لگ پئے سن) مطلب اے وے کہ؛ سینکڑاں دی تعداد
وچ پنجابی قوم پرستی دا ”ورک" کرن والے آں چوں 2019 وچ پنجابی قوم پرستاں دی
"قیادت" کرن والے درجناں دی تعداد وچ تیار ھون لگ پئے سن۔ باقی نے
پنجابی قوم پرستی دا ”ورک" کرن والے تے پنجابی قوم پرستی نوں
"سپورٹ" کرن والے تے قوم پرستی نوں "فالو" کرن والے ای رینا
سی۔ اے پنجابی قوم پرستی دا "فورتھ فیس" سی۔
پنجابی
قوم پرستاں دی "قیادت" کرن والے علمی صلاحیت ' سیاسی شعور ' تربیت تے
تجربہ ھون دے کرکے ' اپنے گھر تے کاروبار تے دھیان دین دے نال نال پنجاب تے پنجابی
قوم دے سماجی ‘ سیاسی ‘ معاشی مسئلیاں تے سوچ ' وچار کرکے رونا ' پٹنا وی نئیں
کردے ' رولا وی نئیں پاندے ' پنجاب تے پنجابی قوم لئی کجھ کرن لئی وی اک دوجے نوں
نئیں آکھدے۔ او آپ ای پنجابی قوم دی سماجی یا سیاسی یا معاشی ترقی دا "پروگرام"
بنان دے بجائے پنجابی دانشوراں نال صلاح مشورہ کرکے پنجابی قوم دی سماجی یا سیاسی
یا معاشی ترقی دا "پروگرام" بناندے تے "پروگرام" نوں پنجابی
قوم پرستی لئی "ورک" کرن والے پنجابی قوم پرستاں نوں دیندے نے۔ پنجابی
قوم پرستی لئی "ورک" کرن والے اوس "پروگرام" نوں پنجابی قوم
پرستی نوں "سپورٹ" کرن والے پنجابی قوم پرستاں کولوں "سپورٹ"
کرواندے نے۔ قوم پرستی نوں "فالو" کرن والے پنجابی قوم پرست اوس
"پروگرام" نوں "فالو" کردے نے۔ اے کم 2019 وچ سینکڑاں دی
تعداد وچ تیار "بُوٹیاں" تے لگن والے درجناں دی تعداد وچ تیار ھون والے پنجابی
قوم پرستی دے "پُھل" کرن لگ پئے سی۔ قوم پرستی دی "قیادت" کرن
والے اپنے اپنے زون دی سطح تے پنجابی قوم پرستاں دی قیادت کر رئے نے۔ (پنجابی
نیشنلسٹ فورم تے اے کم پی این ایف دے زونل آرگنائزر کر رئے نے)
2020
پنجابی قوم پرستاں دی "کامیابی" دا سال ھووے گا۔ انشا اللہ۔ (پنجابی قوم
دی سماجی ‘ سیاسی ‘ معاشی ترقی دا قومی سطح تے "پروگرام" بنے گا) مطلب
اے وے کہ؛ 2020 وچ درجناں دی تعداد وچ پنجابی قوم پرستاں دی "قیادت" کرن
والے آں چوں بہت سارے پنجابی قوم پرستاں دی "قیادت" کرن والے وکھ وکھ
پنجابی قوم دی سماجی یا سیاسی یا معاشی ترقی دا "پروگرام" بنان دے بجائے
اپنا ایک "قائد" بنا کے پنجابی قوم دے لئی سماجی ‘ سیاسی ‘ معاشی ترقی
دا قومی سطح تے "سانجھا پروگرام" بنان گے۔ اوس "سانجھے
پروگرام" نوں سینکڑاں دی تعاد وچ پنجابی قوم پرستی لئی "ورک" کرن
والے پنجابی قوم پرستاں دے ذریعے ھزاراں دی تعداد وچ پنجابی قوم پرستی نوں
"سپورٹ" کرن والے پنجابی قوم پرستاں کولوں "سپورٹ" کروان گے۔
جد کہ لکھاں دی تعداد وچ پنجابی قوم پرستی نوں "فالو" کرن والے اوس
"پروگرام" نوں "فالو" کرن گے۔ ایس دا اثر کروڑاں پنجابیاں تے
ھووے گا تے کروڑاں پنجابی اوس "پروگرام" تے "عمل" کرن گے۔ ایس
لئی کروڑاں پنجابیاں دے اک ای "عمل" کرن نال پنجابی قوم دے لئی قومی سطح
تے بنایا جان والا سماجی ‘ سیاسی ‘ معاشی ' ترقی دا "پروگرام" قومی سطح
تے کامیابی حاصل کرے گا۔ اے پنجابی قوم پرستی دا "فائنل فیس" ھووے گا۔
انشا اللہ
No comments:
Post a Comment