پنجابی
نیشنلسٹ فورم سیاسی پارٹی نئیں اے۔ بلکہ اک فورم اے جیہڑا علمی طریقے نال دلائل دے
ذریعے پاکستان وچ پنجابیاں دے سماجی تے معاشی ' سیاسی تے انتظامی مسئلے بیان کردا
اے۔ اناں مسئلے آں دی وجہ تے اناں مسئلے آں دا حل تجویز کردا اے۔ تاکہ پنجابیاں دا
سیاسی شعور ودھے تے پنجابی اپنی سماجی عزت کروا سکن۔ معاشی استحکام حاصل کر سکن۔
انتظامی بالادستی قائم کر سکن۔ اقتصادی ترقی کر سکن۔
پنجابی
نیشنلسٹ فورم دے میمبر نئیں بنائے جاندے. صرف پاکستان وچ 8 زون بنا کے زونل
آرگنائزر تے زوناں دی آں ایگزیکٹو کمیٹیاں دے میمبر بنائے گئے نے۔ جد کہ زونل
آرگنائزر اپنی اپنی زون وچ ڈسٹرکٹ آرگنائزر بنا رئے نے۔ اپنی اپنی زون وچ نامزد
کیتے جان والے ڈسٹرک آرگنائزراں دا حتمی اعلان نامزد کیتے جان والے ڈسٹرک
آرگنائزراں دی کارکردگی ویکھن توں بعد زونل آرگنائزر جون 2020 وچ کرن گے۔ انشاء
اللہ ۔ جولائی 2020 توں ڈسٹرکٹ آرگنائزر اپنی اپنی ڈسٹرکٹ وچ تحصیل/ ٹائون
آرگنائزر بنانا شروع کرن گے۔ ڈسٹرکٹ تے تحصیل/ ٹائون دی آں وی ایگزیکٹو کمیٹیاں
ھون گی آں۔
زون
' ڈسٹرکٹ ' تحصیل/ ٹائون دی سطح تے آرگنائزراں تے ایگزیکٹو کمیٹی دے میمبراں توں
علاوہ پنجابی نیشنلسٹ فورم دے صرف سپورٹر ای ھون گے۔ جنہاں تے کسے وی سیاسی پارٹی
وچ شامل ھون تے کوئی پابندی نئیں۔ جیس سیاسی پارٹی وچ چان شامل ھون۔ پنجابی
نیشنلسٹ فورم دے "قوائد تے ضوابط" دی پابندی وی صرف پنجابی نیشنلسٹ فورم
دے زون ' ڈسٹرکٹ ' تحصیل/ ٹائون دے آرگنائزراں تے ایگزیکٹو کمیٹی دے میمبراں لئی
کرنا ضروری اے۔
No comments:
Post a Comment