کامیابی
کلے ' کلے کوشش کرن نال نئیں ملدی۔ کامیابی "ٹیم ورک" کرن نال ملدی اے۔ کامیابی
ٹیم بنا کے رون نال یا رولا پان نال وی نئیں ملدی۔ کامیابی ٹیم دے نال پروگرام بنا
کے پروگرام تے عمل کرن نال ملدی اے۔
گل کامیابی دی اے۔
کامیابی لئی اے قانون کاروبار لئی وی اے تے گھر '
خاندان ' برادری ' قوم دے معاملات لئی وی اے۔ جے اناں پنجاں ای تھاواں تے کامیابی
حاصل ھووے تے ودھیا کم ھو جاندا اے۔ وجہ
ایس دی اے وے کہ؛ کاروبار ' گھر ' خاندان ' برادری ' قوم دے معاملے وکھ وکھ ھوندے
نے تے اناں سارے معاملات دا ٹھیک ھونا وی ضروری ھوندا اے۔
اناں پنجاں معاملات بارے اے سمجھنا وی ضروری اے کہ؛ کاروباری
معاملے انسان دے معاشی مسائل لئی ھوندے نے۔ گھر تے خاندان دے معاملے انسان دے ذاتی
مسائل لئی ھوندے نے۔ برادری دے معاملے انسان دے سماجی مسائل لئی ھوندے نے۔ قوم دے
معاملے انسان دے سیاسی مسائل لئی ھوندے نے۔
انسان جے اپنے؛ کاروباری معاملے ٹھیک نہ کرے تے معاشی مسائل وچ
پھسیا رھندا اے۔ گھر تے خاندان دے معاملے ٹھیک نہ کرے تے ذاتی مسائل وچ پھسیا
رھندا اے۔ برادری دے معاملے ٹھیک نہ کرے تے سماجی مسائل وچ پھسیا رھندا اے۔ قوم دے
معاملے ٹھیک نہ کرے تے سیاسی مسائل وچ پھسیا رھندا اے۔
No comments:
Post a Comment