پنجابی
نیشنلسٹ فورم نوں پاکستان دے ھر ضلع تے تحصیل/ شھر دی سطح تے آرگنائز کیتا جاوے
گا۔ ضلع تے تحصیل/شھر دی سطح تے آرگنائز کرن لئی پاکستان دے ھر علاقے وچ پنجابیاں
دے سیاسی و سماجی تے معاشی و انتظامی مسئلے وکھ وکھ ھون دے کرکے پہلے ھر علاقے دی
مناسبت نال پروگرام تے آرگنائز کرن والی ٹیم چائی دی سی۔
پاکستان
دے 8 زون بنا کے انہاں زوناں دا پروگرام وی بنا دتا گیا اے ۔ زونل آرگنائزر وی بن
گئے نے۔ ھر زون دی ایگزیکٹو کمیٹی وی بن گئی اے۔ ھن زونل آرگنائزر تے زون دی
ایگزیکٹو کمیٹی دے میمبر جنوری 2020 توں جون 2020 تک ھر زون وچ ڈسٹرکٹ دی سطح تے ڈسٹرکٹ
آرگنائزر تے ڈسٹرکٹ ایگزیکٹو کمیٹی بنان گے۔
ڈسٹرکٹ دے آرگنائزر تے ڈسٹرکٹ ایگزیکٹو کمیٹی جولائی 2020 توں دسمبر 2020 تک تحصیل/ شھر دی سطح
تے آرگنائزر تے ایگزیکٹو کمیٹی بنان گے۔ ایس طراں دسمبر 2020 تک پنجابی نیشنلسٹ
فورم دی سارے پاکستان وچ تنظیم بن جاووے گی۔ انشاء اللہ
پنجابی
نیشنلسٹ فورم وچ علمی صلاحیت تے سیاسی شعور والے پنجابیاں نوں زون دی سطح تے۔ مالی وسائل تے سیاسی شعور والے پنجابیاں نوں ڈسٹرکٹ دی سطح تے۔ عوامی تعلقات تے سیاسی شعور والے پنجابیاں نوں تحصیل/ سٹی دی سطح
تے اھمیت دتی جاندی اے۔
جنہاں پنجابیاں کول مالی وسائل تے عوامی تعلقات نہ وی ھون پر علمی صلاحیت تے سیاسی شعو دی وجہ
نال انہاں پنجابیاں نوں پنجابی نیشنلسٹ فورم دے زونل آرگنائزر تے زونل ایگزیکٹو
کمیٹی دا میمبر بنایا گیا اے۔ تاکہ پنجابی قوم پرستی دے پروگرام نوں اپنی علمی
صلاحیت نال فائدہ پہنچان۔
جنہاں پنجابیاں کول علمی صلاحیت تے عوامی تعلقات نہ وی ھون پر مالی وسائل تے سیاسی شعو دی وجہ
نال انہاں پنجابیاں نوں پنجابی نیشنلسٹ فورم دے ڈسٹرک آرگنائزر تے
ڈسٹرکٹ دی ایگزیکٹو کمیٹی دا میمبر بنایا جا رے آ آے۔ تاکہ پنجابی قوم پرستی دے
پروگرام نوں اپنے مالی وسائل نال فائدہ پہنچان۔
جنہاں پنجابیاں کول علمی صلاحیت تے مالی وسائل نہ وی ھون پر عوامی تعلقات تے سیاسی شعو دی وجہ
نال انہاں پنجابیاں نوں جولائی 2020 توں پنجابی نیشنلسٹ فورم دا تحصیل/ سٹی
آرگنائزر تے تحصیل/ سٹی دی ایگزیکٹو کمیٹی دا میمبر بنایا جائے گا۔ تاکہ پنجابی
قوم پرستی دے پروگرام نوں اپنے عوامی تعلقات نال فائدہ پہنچان۔
No comments:
Post a Comment