پنجابی زبان دا معیاری
لہجہ ماجھی اے۔ ماجھی لہجہ پنجابی زبان دی بنیاد اے تے ماجھی لہجہ بولن والے علاقے
نوں "ماجھا" آکھیا جاندا اے۔ لفظ "ماجھا" دا مطلب
"مرکز" یا "وچکال" اے۔ ماجھے دا علاقہ جغرافیائی طور تے
تاریخی پنجاب دے "وچکال" دے علاقے وچ اے۔
ماجھی لہجہ دا علاقہ ھندوستانی
پنجاب دے 4 ضلعے؛ امرتسر’ گرداسپور’ پٹھان کوٹ ’ ترن تارن صاحب تے
پاکستانی پنجاب دے 16 ضلعے؛ لاھور’ قصور’ اوکاڑہ ’ پاکپتن ’ ساھیوال ’ ٹوبہ ٹیک
سنگھ ’ فیصل آباد ’ چنیوٹ ’ حافظ آباد ’ منڈی بہاؤ الدین ’ گجرات ’ سیالکوٹ ’ نارو
وال ’ گجرانوالہ ’ شیخوپورہ ’ ننکانہ صاحب نے۔ جد کہ ماجھی لہجہ پاکستان ' بھارتی
پنجاب ' ھریانہ ' اتر پردیش دے وڈے شہراں جد کہ کراچی ' دھلی تے ممبئی جئے وڈے
شہراں وچ وی بولیا جاندا اے۔
ماجھی لہجہ دے علاقے
نوں پنجابی زبان دے 8 ضمنی لہجیاں؛ مالوی ’ دوآبی ’ ڈوگری ’ پہاڑی ' پوٹھوھاری ’ ھندکو
' شاھپوری ’ جھنگوچی دے علاقیاں نے چاروں پاسیوں گھیریا ھویا اے.
No comments:
Post a Comment