پنجابی زبان دا پہاڑی لہجہ

پہاڑی لہجے دا علاقہ شمال والے پاسیوں ماجھی لہجے دے علاقے نال جڑدا اے۔ اے علاقہ آزاد کشمیر تے  مقبوضہ کشمیر والا علاقہ اے. جد کہ پہاڑی لہجہ ھماچل پردیش وچ وی بولیا جاندا اے۔ پہاڑی لہجے نوں ماجھی تے پوٹھوھاری لہجیاں دا مکسچر آکھیا جاسکدا اے۔

پنجابی زبان دے پہاڑی دے ذیلی لہجے

1۔ چمبیالی پنجابی لہجہ

چمبیالی لہجہ پنجابی زبان دے ضمنی لہجے پہاڑی دا ذیلی لہجہ اے۔ اے لہجہ پنجاب دے وچکال والے علاقے ماجھے دے شمال مشرق والے پاسے پنجاب دے سرے دے علاقے ھماچل پردیش دے ضلع چمبہ وچ بولیا جاندا اے۔

2۔ پونچھی پنجابی لہجہ

پونچھی لہجہ پنجابی زبان دے ضمنی لہجے پہاڑی دا ذیلی لہجہ اے۔ اے لہجہ پنجاب دے وچکال والے علاقے ماجھے دے شمال والے پاسے پنجاب دے سرے دے علاقے آزاد کشمیر دے ضلع پونچھ تے دوجے وچکال دے ضلعیاں وچ بولیا جاندا اے۔