پی این ایف دی ٹیم بحث نہ کریا کرے۔

پاکستان وچ پنجابیاں دی آبادی 12 کروڑ اے۔ پنجابی پاکستان وچ ھر تھاں تے ریندے نے۔ پنجابی قوم پرستی دا کم کرن والے آں نے پنجابیاں نوں پروگرام تے پالیسی دینی اے۔ نہ کہ پنجابیاں کولوں پروگرام تے پالیسی لینی اے۔ قوم لئی کم پروگرام تے پالیسی توں بغیر نئیں ھوسکدا۔ ایس لئی پنجابی قوم پرستی دا کم کرن والے آں نوں چائی دا اے کہ؛ پنجابیاں نوں اپنے پروگرام تے پالیسی دی بنیاد تے منظم کرن۔ پنجابی قوم پرستی دا کم کرن والے آں دے پروگرام تے پالیسی نوں مننا 12 کروڑ پنجابیاں چوں ھر پنجابی لئی ضروری نئیں اے۔

جیہڑے پنجابی پسند کردے نے او پنجابی قوم پرستی دا کم کرن والے آں دے پروگرام تے پالیسی نوں قبول کرلیندے نے تے جیہڑے پنجابی پسند نئیں کردے او قبول نئیں کردے۔ ایس لئی پنجابی قوم پرستی دا کم کرن والے اپنا پروگرام تے پالیسی بنا کے 12 کروڑ پنجابیاں چوں اپنے پروگرام تے پالیسی تے عمل کرن تے کروان والے پنجابیاں تے دھیان دین۔ تاکہ انہاں نوں اپنے پروگرام تے پالیسی تے عمل کروان تے کرن لئی منظم کر سکن۔

پنجابی نیشنلسٹ فورم (پی این ایف) دی ٹیم پاکستان دے سماجی تے معاشی ' سیاسی تے انتظامی ماحول دے مطابق پاکستان وچ 8 زون بناکے پروگرام تے پالیسی دے تحت منظم طریقے نال پاکستان دی سطح تے کم کر رئی اے۔  پی این ایف دی ھر زون دا زونل آرگنائزر تے ایگزیکٹو کمیٹی دے میمبر نے۔ ھر زون دا وکھ وکھ مشن اے۔ ھر زون دا زونل آرگنائزر اپنی ایگزیکٹو کمیٹی دی صلاح نال اپنی زون وچ ڈسٹرک آرگنائزر بنان دا کم وی شروع کرن والا اے۔ جد کہ ڈسٹرک آرگنائزر جولائی 2020 توں اپنی اپنی ڈسٹرک وچ تحصیل / ٹاؤن آرگنائزر بنانا شروع کرن گے۔

اپنے زون وچ کلے کلے یا پاکستان دے اک زون وچ تنظیم بناکے دوجے زون وچ پنجابی قوم پرستی بارے گل بات کرن والے پنجابی ' پنجابیاں دے سماجی تے معاشی ' سیاسی تے انتظامی مسئلے آں نوں تے اپنا وقت خراب کر رئے نے۔ ایس لئی ھر زون وچ رین والے پنجابی تنظیم بناکے پروگرام تے پالیسی دے تحت منظم طریقے نال اپنے زون وچ پنجابی قوم پرستی دا کم کرن یا اپنے زون دے "پنجابی نیشنلسٹ فورم" دے زونل آرگنائزر نال رابطہ کرکے اپنے زون دے پنجابیاں دے سماجی تے معاشی ' سیاسی تے انتظامی مسئلے آں نوں حل کرن لئی کم کرن۔

پی این ایف دی ٹیم وی گل بات کردے ھویاں اے خیال رکھیا کرے کہ؛ اپنے زون وچ کلے کلے یا پاکستان دے اک زون وچ تنظیم بناکے دوجے زون وچ پنجابی قوم پرستی بارے گل بات کرن والے پنجابی دا اوس زون بارے سیاسی علم تے شعور محدود ھوندا اے۔ او اوس زون وچ پروگرام تے پالیسی دے بغیر پنجابی قوم پرستی بارے گل بات کر ریہیا ھوندا اے۔ جد کہ اوس نوں اے وی پتہ نئیں ھوندا کہ پی این ایف دی اوس زون دا مشن کی اے؟ ایس لئی پی این ایف دی ٹیم اپنے زون وچ کلے کلے یا پاکستان دے اک زون وچ تنظیم بناکے دوجے زون وچ پنجابی قوم پرستی بارے گل بات کرن والے پنجابی نال گل بات کرن ویلے بحث نہ کریا کرے۔

بحث دا کسے نوں وی کوئی فائدہ نئیں ھویا کردا۔ بحث کرن نال وقت تے تعلقات ای خراب ھویا کردے نے۔ ایس لئی اپنے زون وچ کلے کلے یا پاکستان دے اک زون وچ تنظیم بناکے دوجے زون وچ پنجابی قوم پرستی بارے گل بات کرن والے پنجابی جے "پنجابی نیشنلسٹ فورم" دے زونل آرگنائزر نال رابطہ کرکے اپنے زون دے پنجابیاں دے سماجی تے معاشی ' سیاسی تے انتظامی مسئلے آں نوں حل کرن لئی کم نہ کرنا چاھندے ھون تے فے پی این ایف دی ٹیم تے اپنے زون وچ کلے کلے یا پاکستان دے اک زون وچ تنظیم بناکے دوجے زون وچ پنجابی قوم پرستی بارے گل بات کرن والے پنجابی آپس وچ بحث کرکے اپنا وقت تے تعلقات خراب کرن دے بجائے اپنا اپنا کم کریا کرن۔

پی این ایف دا پروگرام تے پالیسی ' پی این ایف دے زونل آرگنائزر تے ایگزیکٹو کمیٹی دے میمبر بناندے نے۔ پی این ایف دے پروگرام تے پالیسی نوں مننا 12 کروڑ پنجابیاں چوں ھر پنجابی لئی ضروری نئیں اے۔ جیہڑے پنجابی پسند کردے نے او پی این ایف دا پروگرام تے پالیسی قبول کرلیندے نے تے جیہڑے پنجابی پسند نئیں کردے او قبول نئیں کردے۔ پی این ایف پروگرام تے پالیسی دین توں بعد صرف پی این ایف دے پروگرام تے پالیسی نوں پسند کرکے اس پروگرام تے پالیسی تے عمل کروان والے پنجابیاں نوں ای منظم کرن وچ مصروف اے۔

جنہاں پنجابیاں نوں پی این ایف دا پروگرام تے پالیسی پسند نئیں اے۔ او اپنا پروگرام تے پالیسی بنا کے 12 کروڑ پنجابیاں چوں اپنے پروگرام تے پالیسی تے عمل کرن تے کروان والے پنجابیاں تے دھیان دین تاکہ انہاں نوں اپنے پروگرام تے پالیسی تے عمل کروان تے کرن لئی منظم کر سکن۔ پی این ایف دے زونل آرگنائزر تے ایگزیکٹو کمیٹی دے میمبر اپنے اپنے زون دے سماجی تے معاشی ' سیاسی تے انتظامی مسئلے حل کرن تے دھیان دین۔ جد پنجابی قوم پرستی دا کم کرن والے 12 کروڑ پنجابیاں نوں نہ سئی پر اپنے اپنے زون وچ ای پنجابیاں نوں اپنے پروگرام تے پالیسی تے عمل کروان تے کرن لئی منظم کرن وچ کامیاب ھوگئے تے فے او سارے بیٹھ کے پنجابی قوم لئی سانجھا پروگرام تے پالیسی وی بنا لین گے۔