پنجابی نیشنسلسٹ فورم تے پنجابیاں نوں سیاست دا ماھر کھلاڑی بنانا اے۔

پنجابی تے پاکستان وچ 12 کروڑ نے پر او پنجابی جنہاں وچ پنجابیت وی ھووے گی۔ او تے لکھاں وچ ای ھون گے۔ جد کہ جنہاں پنجابیاں وچ سیاسی شعور وی ھووے گا۔ او تے ھزاراں وچ ای ھون گے۔ ھر قوم وچ ایداں ای ھوندا اے۔ نہ تے ھر قوم دے سارے لوکاں وچ قوم پرستی ھوندی اے۔ نہ سیاسی شعور ھوندا اے۔ جد کہ ھر قوم وچ کم والے بندے او ھوندے نے جیہڑے سیاست دے ماھر کھلاڑی وی ھوندے نے۔ او ھر قوم وچ سینکڑاں دی تعداد وچ ای ھوندے نے۔

عزت ' اھمیت تے وقار انہاں قوماں دا ھوندا اے جنہاں نوں حکومت لینی آندی ھووے پر حکومت لین لئی سیاست دا ماھر کھلاڑی ھونا ضروری اے ۔ پنجابی نیشنسلسٹ فورم تے پنجابی قوم پرستاں نوں تیاری کروانی اے۔ سیاسی شعور والے پنجابیاں نوں سیاست دا ماھر کھلاڑی بنانا اے۔ پنجابی نیشنسلٹ فورم دی ٹیم نے سیاست دا ماھر کھلاڑی بن کے انشاء اللہ حکومت وی سمبھالنی اے تے پنجابی قوم نوں عزت ' اھمیت تے وقار وی دوانا اے۔

ایس لئی پنجابی نیشنلسٹ فورم دی ٹیم نے او پنجابی لبھنے نے جیہڑے سیاست دے ماھر کھلاڑی نہ وی ھون تے فے وی گھٹ توں گھٹ سیاسی شعور والے پنجابی ضرور ھون۔ تاکہ انہاں سیاسی شعور والے پنجابیاں نوں سیاست دا ماھر کھلاڑی بنایا جاسکے۔ او پنجابی جنہاں وچ پنجابیت نئیں اے او پنجابی نیشنلسٹ فورم دے کم دے نئیں نے۔ جد کہ جنہاں پنجابیاں وچ سیاسی شعور نئیں اے اناں نے پنجابی نیشنلسٹ فورم دی ٹیم دا وقت ای خراب کرنا اے۔