قوم نوں قوم دے لوکاں دی آں خامیاں نئیں بلکہ خامیاں دا حل دسو۔

ھر قوم دے لوکاں وچ خوبیاں وی ھوندیاں نے تے خامیاں وی ھوندیاں نے۔ سیاست دی اک چال اے وے کہ؛ جد کسے قوم نوں تباہ کرنا ھووے تے فے اوس قوم دی آں خامیاں اوس قوم دے اپنے لوکاں دی زبان تے چاڑھ دوو۔ تاکہ؛

1۔ او قوم انہاں خامیاں نوں اپنی قوم دی اجتماعی خامی تسلیم کرکے قبول کرلے۔

2۔ او قوم انہاں خامیاں نوں ختم کرن دی ھمت تے کوشس نہ کرے بلکہ مایوس ھو جاووے۔

3۔ اوس قوم دے جنہاں لوکاں وچ او خرابی نئیں اے۔ او وی قوم دی اجتماعی خرابی سمجھ کے اوس خرابی نوں اپنے وچ پان لگ پین۔

کیونکہ اے اک اصول اے کہ قوم دے لوکی او ای کرنا چاھندے نے جو قوم دے لوکاں دی اکثریت کر رئی ھووے۔

سیاست دی اے وی چال اے کہ؛ جے اوس قوم دے لوکاں وچ کوئی خاص خامی نئیں وی اے تے فے وی ایہو جئی کوئی خامی گھڑ لو۔ جیس نال اوس قوم دے لوکاں دے حوصلے ختم ھون تے انہاں وچ مایوسی پیدا ھووے۔ تاکہ اوس قوم دے لوک؛

1۔ اپنی قوم دے لوکاں دی آں خامیاں ختم کرن دی کوشش کرن لئی سوچ وچار نہ کرن۔

2۔ قوم دے لوکاں دا حوصلہ ودھان والا کم چھڈ کے ھر ویلے اپنی قوم دے لوکاں دی آں او خامیاں ای دسدے ریہیا کرن۔ جیہڑیاں قوم دے لوکاں دی اکثریت دی زبان تے نے۔

3۔ قوم نوں مایوس کردے ریہیا کرن کہ اے خامی قوم دی اکثریت قبول کر چکی اے۔ ایس لئی ھن اے خامی ختم نئیں ھوسکدی۔

پنجابی قوم دے خلاف ایہو ای چالاں پٹھان ' بلوچ ' ھندوستانی مھاجر ' جنوبی پنجاب تے سندھ دے عربی نژاد سیاسی چال دے طور تے چلدے نے۔ پنجابیاں نوں تانے ' میہنے ' ٹوکاں مار مار کے پنجابیاں دی آں خامیاں دسدے نے۔ بلکہ پنجابیاں وچ جیہڑی خامی نئیں اے۔ او خامی وی گھڑ کے پنجابیاں دے کناں وچ پاندے ریہندے نے۔ تاکہ؛

1۔ پنجابی اوس نوں اگے اپنی قوم دے لوکاں نوں دسیا کرن۔

2۔ پنجابی اپنی قوم دے لوکاں دی آں خامیاں ختم کرن دی کوشش کرن لئی سوچ وچار کرن تے حوصلے ودھان والا کم کرن دے بجائے قوم دے لوکاں دے حوصلے ختم کرن دے کم تے لگے رین۔

3۔ پنجابی اپنی قوم وچ مایوسی پیدا کرن۔ جد کہ پٹھان ' بلوچ ' ھندوستانی مھاجر ' جنوبی پنجاب تے سندھ دے عربی نژاد آپ پنجابی قوم دے لوکاں تے راج کردے نے۔

قوم دے سیاسی شعور توں عاری لوک دشمن دی طاقت ھوندے نے۔ قوم دے سیاسی شعور توں عاری لوکاں دا کم ھوندا اے کہ؛ او قوم دے لوکاں دی آں خامیاں اوس قوم دے اپنے لوکاں دی زبان تے چاڑھدے ریہندے نے۔

جد کہ قوم دے سیاسی شعور رکھن والے دانشور؛ قوم دے لوکاں نوں قوم دے لوکاں دی آں خامیاں نئیں۔ بلکہ قوم دے لوکاں دی خامیاں دا حل دسدے نے۔ تاکہ قوم دے لوک انہاں خامیاں نوں ختم کرن لئی ھمت تے کوشس کرن۔