لیکھاں دا لکھیا ای ھوندا اے تے لکھیا مٹ دا نئیں۔

بچہ جد ماں دے ڈڈھ وچ 4 مہینے دا ھوندا اے تے اوس دی انگلیاں تے لکیراں بنݨ لگ جاندیاں نے۔ انگلیاں دے گوشت تے بنݨ والی آں اے لکیراں دنیا دے ھور کسے انسان دی لکیراں نال میل نئیں کھاندیاں۔ ایس لئی ھر انسان دی انگلیاں دی آں لکیراں وکھ وکھ ھوندی آں نے۔

لکیراں بݨاݨ والا قادر اے۔ دانا تے حکمت والا اے۔ اوہ کھرباں دی تعداد وچ انہاں انساناں دی آں جیہڑے ایس دنیا وچ ھیݨ تے جیہڑے دنیا وچ نئیں رئے یا ھجے دنیا وچ نئیں آئے انہاں دی انگلیاں تے لکیراں بݨاندا اے۔

او مصور وی اے ایس لئی ھر انگلی تے بݨݨ والی آں لکیراں دی وکھ وکھ شکل بݨاندا اے۔ او باخبر اے ایس لئی اوس نوں ای جاݨ ھوندی اے کہ لکیراں نال لکھیا کی اے؟ ایس لئی آکھیا جاندا اے کہ؛ "لیکھاں دا لکھیا ای ھوندا اے"۔

او خالق اے ایس لئی ایہو جہیاں لکیراں بݨاندا اے کہ انگلیاں زخمی ھوݨ یا سڑن توں بعد وی گوشت آݨ دے نال ای اوھو ای لکیراں مڑکے بݨ جاندی آں نے۔ ایس لئی آکھیا جاندا اے کہ؛ "لیکھاں دا لکھیا مٹ دا نئیں"۔