پنجابی نیشنلسٹ فورم دا مشن ' تنظیم ' قوائد تے ضوابط

پنجابی نیشنلسٹ فورم دا مشن۔

پاکستان وچ پنجابی پاکستان دے ھر علاقے وچ ریندے نے۔ پاکستان دے ھر علاقے وچ پنجابی دے سماجی تے معاشی ' سیاسی تے انتظامی مسئلے وکھ وکھ نے۔ پاکستان وچ پنجابی قوم پرستی دے ودھن دے کرکے ایس ویلے سارے پاکستان وچ پنجابی قوم پرست کم کر رئے نے پر کلے کلے پاکستان دی سطح تے یا کٹھے ھوکے صرف اپنے علاقے وچ ای کم کرن دے کرکے پنجابی قوم پرست سمجھدے نے کہ او پاکستان دی سطح تے پنجابی قوم لئی کجھ نئیں کر سکدے۔ ایس لئی "پنجابی نیشنلسٹ فورم" دے پاکستان وچ 8 زون بنائے گئے نے۔ اے زون نے؛ شمالی پنجاب زون ' وسطی پنجاب زون ' جنوبی پنجاب زون ' سندھ زون ' کراچی زون ' بلوچستان براھوئی ایریا زون ' بلوچستان پشتون ایریا زون ' خیبرپختونخوا زون تے اک وومن ونگ اے۔ جدکہ 12 اوورسیز ونگ ھیں؛ 01۔ آسٹریلیا 02۔ افریقہ 03۔ کنیڈا 04۔ ریاستہائے متحدہ امریکا 05۔ جنوبی امریکہ 06۔ مغربی یورپ 07۔ مشرقی یورپ 08۔ جنوبی یورپ 09۔ مشرقی ایشیاء 10۔ جنوب مشرقی ایشیا 11۔ وسط ایشیاء 12۔ مڈل ایسٹ۔

پنجابی نیشنلسٹ فورم دے پاکستان وچ 8 زوناں دے زونل آرگنائزر بنا دتے گئے نے تے 8 وومن ونگ چوں دو وومن ونگ دی آں آرگنائزراں وی بنا دتیاں گئیاں نے۔ سارے زونل آرگنائزر اپنی اپنی زون دا کم بڑے ودھیا طریقے نال کر رئے نے۔ اک زونل آرگنائزر دوجی زون دا کم نئیں کردا۔ تاکہ اپنی زون دے مسئلیاں تے دھیان رکھ سکے پر دوجی زون دے زونل آرگنائزر دی درخواست تے اودے نال تعاون ضرور کردا اے۔ اپنی اپنی زون وچ زونل آرگنائزراں نے اعلیٰ تعلیم یافتہ ' سیاسی شعور تے پنجابی قوم لئی کم کرن دا جذبہ رکھن والے 10 میمبراں دی ایگزیکٹو کمیٹی بنائی اے۔

پنجابی نیشنلسٹ فورم وچ علمی صلاحیت تے سیاسی شعور والے پنجابیاں نوں زون دی سطح تے۔ مالی وسائل تے سیاسی شعور والے پنجابیاں نوں ڈسٹرکٹ دی سطح تے۔ عوامی تعلقات تے سیاسی شعور والے پنجابیاں نوں تحصیل/ سٹی دی سطح تے اھمیت دتی جاندی اے۔

جنہاں پنجابیاں کول مالی وسائل تے عوامی تعلقات نہ وی ھون پر علمی صلاحیت تے سیاسی شعور دی وجہ نال انہاں پنجابیاں نوں پنجابی نیشنلسٹ فورم دے زونل آرگنائزر تے زونل ایگزیکٹو کمیٹی دا میمبر بنایا گیا اے۔ تاکہ پنجابی قوم پرستی دے پروگرام نوں اپنی علمی صلاحیت نال فائدہ پہنچان۔

جنہاں پنجابیاں کول علمی صلاحیت تے عوامی تعلقات نہ وی ھون پر مالی وسائل تے سیاسی شعور دی وجہ نال انہاں پنجابیاں نوں پنجابی نیشنلسٹ فورم دے ڈسٹرک آرگنائزر تے ڈسٹرکٹ دی ایگزیکٹو کمیٹی دا میمبر بنایا جا رے آ آے۔ تاکہ پنجابی قوم پرستی دے پروگرام نوں اپنے مالی وسائل نال فائدہ پہنچان۔

جنہاں پنجابیاں کول علمی صلاحیت تے مالی وسائل نہ وی ھون پر عوامی تعلقات تے سیاسی شعور دی وجہ نال انہاں پنجابیاں نوں جولائی 2020 توں پنجابی نیشنلسٹ فورم دا تحصیل/ سٹی آرگنائزر تے تحصیل/ سٹی دی ایگزیکٹو کمیٹی دا میمبر بنایا جائے گا۔ تاکہ پنجابی قوم پرستی دے پروگرام نوں اپنے عوامی تعلقات نال فائدہ پہنچان۔

زونل ایگزیکٹو کمیٹی دے میمبراں دی صلاح نال اپنی اپنی زون وچ ڈسٹرک آرگنائزر بنان گے۔ جد کہ جولائی 2020 توں ڈسٹرک آرگنائزر اپنی اپنی ڈسٹرک وچ تحصیل/ سٹی آرگنائزر بنان گے۔ ایس طراں دسمبر 2020 تک پنجابی نیشنلسٹ فورم دی سارے پاکستان وچ تنظیم بن جاووے گی۔ انشاء اللہ۔

پنجابی نیشنلسٹ فورم دی تنظیم تے زون دا مشن۔

01۔ پنجابی نیشنلسٹ فورم شمالی پنجاب زون دے زونل آرگنازر جناب Rajpoot Zulfiqar صاحب نے۔

پنجابی نیشنلسٹ فورم شمالی پنجاب زون دا مشن اے؛

(الف)۔ پنجابی قوم دی آں پوٹھوھاری ' پہاڑی ' ھندکو تے دوجیاں چھوٹیاں پنجابی برادریاں نوں برادری تک محدود رہ کے آپس وچ محاذ آرائی کرن دے بجائے ' پنجابی قوم پرست بنا کے پنجابی برادریاں دا دھیان پنجاب دی زمین ' زبان ' تہذیب ' ثقافت تے دوا کے ' پنجابی قوم نوں سیاسی تے سماجی طور تے مضبوط قوم تے پنجاب نوں معاشی تے اقتصادی طور تے مستحکم دیش بنانا۔

(ب)۔ شمالی پنجاب وچ پنجابیاں نوں پختوناں دی بالادستی توں فیس بک تے علمی طریقے تے سیاسی حکمت عملی نال مقابلہ کرکے نجات دلانا۔

02۔ پنجابی نیشنلسٹ فورم وسطی پنجاب زون دے زونل آرگنازر جناب Nadeem Ahmed Punjabi صاحب نے۔

پنجابی نیشنلسٹ فورم وسطی پنجاب زون دا مشن اے؛

(الف)۔ وسطی پنجاب وچ پنجابی زبان نوں اردو زبان دی بالادستی توں تے پنجابیاں نوں اردو بولن والے آں دی بالادستی توں فیس بک تے علمی طریقے تے سیاسی حکمت عملی نال مقابلہ کرکے نجات دلانا۔

(ب)۔ پنجابی قوم دی آں وڈیاں برادریاں ارائیں ‘ اعوان ‘ جٹ ‘ گجر ‘ راجپوت ‘ شیخ تے دوجیاں چھوٹیاں پنجابی برادریاں نوں برادری تک محدود رہ کے آپس وچ محاذ آرائی کرن دے بجائے ' پنجابی قوم پرست بنا کے پنجابی برادریاں دا دھیان پنجاب دی زمین ' زبان ' تہذیب ' ثقافت تے دوا کے ' پنجابی قوم نوں سیاسی تے سماجی طور تے مضبوط قوم تے پنجاب نوں معاشی تے اقتصادی طور تے مستحکم دیش بنانا۔

03۔ پنجابی نیشنلسٹ فورم جنوبی پنجاب زون دے زونل آرگنازر جناب DrJamil Arain صاحب نے۔

پنجابی نیشنلسٹ فورم جنوبی پنجاب زون دا مشن اے؛

(الف)۔ جنوبی پنجاب وچ پنجابیاں نوں بلوچاں تے عربی نزاداں دے ظلم تے زیادتی آں تے بالادستی توں نالے بلوچاں تے عربی نزاداں ولوں کیتی جان والی "سرائیکی شازش" توں فیس بک تے علمی طریقے تے سیاسی حکمت عملی نال مقابلہ کرکے نجات دلانا۔

(ب)۔ پنجابی قوم دی مقامی پنجابی ' آبادگار پنجابی ' مھاجر پنجابی وچ ونڈ تے آپس دی محاذ آرائی ختم کروا کے ' انہاں نوں پنجابی قوم پرست بنا کے انہاں دا دھیان پنجاب دی زمین ' زبان ' تہذیب ' ثقافت تے دوا کے ' پنجابی قوم نوں سیاسی تے سماجی طور تے مضبوط قوم تے پنجاب نوں معاشی تے اقتصادی طور تے مستحکم دیش بنانا۔

04۔ پنجابی نیشنلسٹ فورم سندھ زون دے زونل آرگنازر جناب Afzal Punjabi صاحب نے۔

پنجابی نیشنلسٹ فورم سندھ زون دا مشن اے؛

(الف)۔ دیہی سندھ وچ پنجابیاں نوں بلوچاں تے عربی نزاداں دے ظلم تے زیادتی آں تے بالادستی توں فیس بک تے علمی طریقے تے سیاسی حکمت عملی نال مقابلہ کرکے نجات دلانا۔

(ب)۔ پنجابی قوم دے سندھ دی اصل وارث سماٹ قوم نال تے دیہی سندھ وچ آباد براھوئی ' راجستھانی تے گجراتی قوماں نال سماجی تے سیاسی تعلقات بہتر بنانا۔ تاکہ سماٹ قوم سندھ تے قابض بلوچاں تے عربی نزاداں دی سماجی ' سیاسی تے معاشی بالادستی توں سندھ دے پنجابی ' براھوئی ' راجستھانی تے گجراتی دے تعاون نال نجات حاصل کرسکے۔

05۔ پنجابی نیشنلسٹ فورم کراچی زون دے زونل آرگنازر جناب Saleem Ilyas صاحب نے۔

پنجابی نیشنلسٹ فورم کراچی زون دا مشن اے؛

(الف)۔ کراچی وچ پنجابیاں نوں یوپی ' سی پی دے اردو بولن والے ھندوستانی مھاجراں دے ظلم تے زیادتی آں تے بالادستی توں فیس بک تے علمی طریقے تے سیاسی حکمت عملی نال مقابلہ کرکے نجات دلانا۔

(ب)۔ پنجابی قوم دے کراچی وچ سماٹ ' ھندکو ' براھوئی ' کشمیری ' گلگتی بلتستانی ' کوھستانی ' چترالی ' سواتی ' راجستھانی ' گجراتی نال سماجی تے سیاسی تعلقات بہتر بنانا۔ تاکہ کراچی تے قابض یوپی ' سی پی دے اردو بولن والے ھندوستانی مھاجراں دی سماجی ' سیاسی تے معاشی بالادستی توں نجات حاصل کیتی جاسکے۔

06۔ پنجابی نیشنلسٹ فورم بلوچستان دے براھوئی علاقے دے زونل آرگنازر جناب Mansoor Ahmad صاحب نے۔

پنجابی نیشنلسٹ فورم بلوچستان دے براھوئی علاقے دے زون دا مشن اے؛

(الف)۔ بلوچستان دے براھوئی علاقے وچ پنجابیاں نال ھون والے بلوچاں دے ظلم تے زیادتی آں دا فیس بک تے علمی طریقے تے سیاسی حکمت عملی نال مقابلہ کرکے نجات دلانا۔

(ب)۔ پنجابی قوم دے بلوچستان دی اصل وارث براھوئی قوم نال سماجی تے سیاسی تعلقات بہتر بنانا۔ تاکہ براھوئی قوم بلوچستان دے بلوچ علاقے تے قابض بلوچاں دی سماجی ' سیاسی تے معاشی بالادستی توں نجات حاصل کرسکے۔

07۔ پنجابی نیشنلسٹ فورم بلوچستان دے پشتون علاقے دے زونل آرگنازر جناب Sheraz Rajpoot صاحب نے۔

پنجابی نیشنلسٹ فورم بلوچستان دے پشتون علاقے دے زون دا مشن اے؛

(الف)۔ بلوچستان دے پشتون علاقے وچ پنجابیاں نال ھون والے پشتوناں دے ظلم تے زیادتی آں دا فیس بک تے علمی طریقے تے سیاسی حکمت عملی نال مقابلہ کرکے نجات دلانا۔

(ب)۔ پنجابی قوم دے بلوچستان دی اصل وارث براھوئی قوم نال سماجی تے سیاسی تعلقات بہتر بنانا۔ تاکہ براھوئی قوم بلوچستان دے پشتون علاقے تے قابض پشتوناں دی سماجی ' سیاسی تے معاشی بالادستی توں نجات حاصل کرسکے۔

08۔ پنجابی نیشنلسٹ فورم صوبہ خیبر زون دا زونل آرگنائزر جناب Kashif Punjabi صاحب نے۔

پنجابی نیشنلسٹ فورم صوبہ خیبر زون دا مشن اے؛

(الف)۔ صوبہ خیبر وچ پنجابیاں نال ھون والے پختوناں دے ظلم تے زیادتی آں دا فیس بک تے علمی طریقے تے سیاسی حکمت عملی نال مقابلہ کرکے نجات دلانا۔

(ب)۔ پنجابی قوم دے صوبہ خیبر دی اصل وارث ھندکو قوم تے کوھستانی ' چترالی ' سواتی ' ڈیرہ والی نال سماجی تے سیاسی تعلقات بہتر بنانا۔ تاکہ ھندکو قوم صوبہ خیبر تے قابض پختوناں دی سماجی ' سیاسی تے معاشی بالادستی توں صوبہ خیبر دے پنجابی ' کوھستانی ' چترالی ' سواتی ' ڈیرہ والی دے تعاون نال نجات حاصل کرسکے۔

09۔ پنجابی نیشنلسٹ فورم وومن ونگ دی آرگنائزر محترمہ Ujala Chaudhary صاحبہ نے۔

پنجابی نیشنلسٹ فورم وومن ونگ دے وی انج ای زون بنائے جان گے جیویں پنجابی نیشنلسٹ فورم دے نے۔ ھر زون دی زونل آرگنائزر ھووے گی۔ ھر زون دا او ای مشن ھووے گا جیہڑا پنجابی نیشنلسٹ فورم دی ھر زون دا مشن اے۔ وومن ونگ دی زونل آرگنائزر اپنے زون وچ 10 میمبراں دی زونل ایگزیکٹو کمیٹی بنائے گی۔

10۔ پنجابی نیشنلسٹ فورم شمالی پنجاب زون وومن ونگ دی زونل آرگنائزر محترمہ Shahnaz Punjabi صاحبہ نے۔

11۔ پنجابی نیشنلسٹ فورم وسطی پنجاب زون وومن ونگ دی زونل آرگنائزر محترمہ Shazia Punjabi صاحبہ نے۔

12۔ پنجابی نیشنلسٹ فورم جنوبی پنجاب ' سندھ ' کراچی ' بلوچستان دے بلوچ علاقے ' بلوچستان دے پشتون علاقے ' خیبر پختونخوا زون وومن ونگ دی آں زونل آرگنائزراں پنجابی نیشنلسٹ فورم وومن ونگ دی آرگنائزر محترمہ Ujala Chaudhary صاحبہ نے جون 2020 تک نامزد کرنی آں نے۔

پنجابی قوم پرستی دا کم کرن والے کلے کلے پاکستان دی سطح تے یا کٹھے ھوکے صرف اپنے علاقے وچ ای کم کرکے پنجابیاں دے پاکستان وچ سماجی تے معاشی ' سیاسی تے انتظامی مسئلے آں نوں وی حل نئیں کر پا رئے تے اپنا وقت وی خراب کر رئے نے۔ ایس لئی ھر زون وچ رین والے پنجابی اپنے زون دے "پنجابی نیشنلسٹ فورم" دے زونل آرگنائزر نال رابطہ کرکے اپنے زون دے پنجابیاں دے سماجی تے معاشی ' سیاسی تے انتظامی مسئلے آں نوں حل کرن لئی کم کرن تے پنجابی عورتاں وومن ونگ دی زونل آرگنائزر نال رابطہ کرکے کم کرن۔

" پنجابی نیشنلسٹ فورم" دے " قوائد تے ضوابط "۔

01۔ ھر پنجابی فیس بک تے صرف اک زون وچ ای کم کرے گا۔ تاکہ جیس زون دا کم کرے گا۔ اوس زون تے ریسرچ کرے گا کہ اوس دے زون دے پنجابیاں تے جیہڑا ظلم تے زیادتی آں ھو رئیاں نے؛

(الف) ۔ او ظلم تے زیادتی آں کر کون رے آ اے؟

(ب) ۔ اناں ظلم تے زیادتی آں دی وجہ کی اے؟

(پ) ۔ اناں ظلم تے زیادتی آں دا حل کی اے؟

02۔ ھر پنجابی فیس بک تے اپنے زون دے مشن نال دلچسپی رکھن والے پنجابیاں نال رابطہ کرکے سانجھ ودھاوے گا۔

03۔ ھر زون والا پنجابی فیس بک تے اپنے اپنے زون دے مشن دا کم کرے گا۔ البتہ دوسرے زون والے آں دے مضموناں تے کمنٹ کر سکے گا پر زون دے زونل آرگنائزر دی زون دے مشن بارے پالیسی تے عمل کرنا پووے گا۔ کیونکہ اک زون والا پنجابی دوجے زون والے پنجابی دے زون دے مشن تے پالیسی نال اختلاف نئیں کرے گا۔

04۔ اک زون والا پنجابی دوجے زون والے پنجابی کولوں اپنے زون دے مشن لئی فیس بک تے مدد لے دے سکے گا۔

05۔ ھر زون دے پنجابی نیشنلسٹ فورم دا زونل آرگنازر اپنی اپنی زون وچ پنجابی قوم دے درمیانے طبقے دے اعلیٰ تعلیم یافتہ ' سیاسی شعور تے پنجابی قوم لئی کم کرن دا جذبہ رکھن والے 10 - 10 میمبراں دی ایگزیکٹو کمیٹی بنائے گا۔

06۔ پنجابی نیشنلسٹ فورم دی ھر زون دا زونل آرگنازر اپنی ایگزیکٹو کمیٹی دے میمبراں نال صلاح کرکے اپنے اپنے زون دے مشن لئی پالیسی تے سیاسی چالاں طے کرے گا۔

07۔ ایگزیکٹو کمیٹی دے ھر میمبر لئی ضروری ھووے گا کہ او یا تے اپنے زون دے مشن لئی آپ مضمون لکھے یا لکھے ھوئے مضموناں چوں زون دے مشن لئی پوائنٹ کڈھ کے نوٹس بنا کے اناں پوائنٹس نوں فیس بک تے اگے پنجابیاں تک اپڑائے۔

08۔ ھر زون دا زونل آرگنائزر دوجے زون دے زونل آرگنائزر نال رابطہ رکھے گا۔ تاکہ آپس وچ اک دوجے نال تعاون کیتا جا سکے۔ جد کہ ھر زون دی ایگزیکٹو کمیٹی دے میمبر آپس وچ اک دوجے نال رابطہ رکھن گے تاکہ زون دے مشن لئی آپس وچ اک دوجے نال تعاون کیتا جا سکے۔

09۔ پاکستان توں بار امریکہ ' افریقہ ' ایشیا ' یورپ ' آسٹریلیا وچ رین والے پنجابیاں لئی 2020 وچ زون بننا شروع ھون گے۔ جیہڑے پنجابی قوم دے درمیانے طبقے دے اعلیٰ تعلیم یافتہ ' سیاسی شعور تے پنجابی قوم لئی کم کرن دا جذبہ رکھن والے 10 - 10 میمبراں دی ایگزیکٹو کمیٹی بنان گے۔

10۔ پنجابی نیشنلسٹ فورم دے زونل آرگنازر تے ایگزیکٹو کمیٹی دے میمبر نے اپنے اپنے زون وچ ایس طراں پنجابیاں دا کیس لڑنا اے جداں وکیل اپنے موکل دا کیس لڑدا اے۔