پنجابی نیشنلسٹ فورم وومن ونگ دے "قوائد تے ضوابط"۔

پنجابی نیشنلسٹ فورم وومن ونگ دی آرگنائزر محترمہ Ujala Chaudhary صاحبہ نے۔

پنجابی نیشنلسٹ فورم وومن ونگ تے قوم پرستی دا کم کردے ھوئیاں اناں "قوائد تے ضوابط" دا خیال رکھنا ھووے گا۔

01۔ ھر پنجابی عورت فیس بک تے صرف اک زون وچ ای کم کرے گی تاکہ جیس زون دا کم کرے ' اوس زون تے ریسرچ کرے گی کہ؛

(الف) ۔ اوس دے زون دے پنجابیاں تے کی ظلم تے زیادتی آں ھو رئیاں نے؟

(ب) ۔ اناں ظلم تے زیادتی آں دی وجہ کی اے؟

(پ) ۔ او ظلم تے زیادتی آں کر کون رے آ اے؟

(ت) ۔ انا ظلم تے زیادتی آں دا حل کی اے؟

(ٹ) ۔ اناں ظلم تے زیادتی آں تے مضمون لکھے یا لکھے ھوئے مضموناں نوں فیس بک تے اگے پنجابیاں تک اپڑائے۔

02۔ ھر پنجابی عورت فیس بک تے اپنے زون نال دلچسپی رکھن والی آں عورتاں نال رابطہ کرکے سانجھ ودھاوے گی۔

03۔ ھر زون والی پنجابی عورت فیس بک تے اپنے اپنے زون دا کم کرے گی البتہ دوسرے زون والی آں عورتاں دے مضموناں تے کمنٹ کر سکے گی پر زون دی زونل آرگنائزر دی زون بارے پالیسی تے عمل کرنا پوے گا۔ کیونکہ اک زون والی پنجابی عورت دوجے زون والی پنجابی عورت دے زون دی پالیسی نال اختلاف نئیں کرے گی۔

04۔ اک زون والی پنجابی عورت دوجے زون والی پنجابی عورت کولوں اپنے زون لئی فیس بک تے مدد لے دے سکے گی۔

05۔ ھر زون دی زونل آرگنائزر اپنیاں میمبراں چوں 10 میمبراں دی ایگزیکٹو کمیٹی بناکے فیس بک تے اناں نال صلاح کرکے اپنے اپنے زون دی پالیسی تے سیاسی چالاں طے کرے گی۔

06۔ ایگزیکٹو کمیٹی دی ھر میمبر لئی ضروری ھووے گا کہ او یا تے آپ مضمون لکھے یا لکھے ھوئے مضموناں نوں فیس بک تے اگے پنجابیاں تک اپڑائے۔

07۔ ھر زون دی زونل آرگنائزر دوجے زون دی زونل آرگنائزر نال فیس بک تے رابطہ رکھے گی تے آپس وچ اک دوجے نال تعاون کیتا جا سکے۔

08۔ فیس بک تے 2020 تک پاکستان وچ 8 زون منظم کرن توں بعد پاکستان توں بار رین والی پنجابی عورتاں لئی زون بنن گے۔

08۔ ھر زون دی زونل آرگنازر نے اپنی اپنی زون وچ پنجابی قوم دے درمیانے طبقے دی اعلیٰ تعلیم یافتہ ' سیاسی شعور تے پنجابی قوم لئی کم کرن دا جذبہ رکھن والی پنجابی عورتاں چوں 10 - 10 میمبراں دی ایگزیکٹو کمیٹی بنانی اے۔

09۔ پاکستان توں بار امریکہ ' افریقہ ' ایشیا ' یورپ ' آسٹریلیا وچ رین والیاں پنجابی عورتاں لئی 2020 وچ زون بننا شروع ھون گے۔ ھر زون دی زونل آرگنازر اپنی اپنی زون وچ پنجابی قوم دے درمیانے طبقے دی اعلیٰ تعلیم یافتہ ' سیاسی شعور تے پنجابی قوم لئی کم کرن دا جذبہ رکھن والی پنجابی عورتاں چوں 10 - 10 میمبراں دی ایگزیکٹو کمیٹی بنائے گی۔

10۔ پنجابی نیشنلسٹ فورم دی زونل آرگنازر تے ایگزیکٹو کمیٹی دی میمبر اپنے اپنے زون وچ ایس طراں پنجابیاں دا کیس لڑے گی جداں وکیل اپنے موکل دا کیس لڑدا اے۔