پنجابی قوم دے سماجی تے سیاسی بحران دی وجہ کی اے؟

پاکستان دے بنن توں لے کے عام پنجابی صرف وائی بیجی ' آڑھت ' ڈنگر پالن تے سمبھالن توں علاوہ نوکری تے ٹھیکیداری کرن تک ای محدود رئے۔ سیاست دا کھیل نہ پنجابی نے سکھیا تے نہ کھیلیا۔ پاکستان وچ سیاست دا کھیل پٹھان ' بلوچ ' ھندوستانی مھاجر ' جنوبی پنجاب تے دیہی سندھ دے عربی نزاد ای کھیلدے رئے۔ ایس لئی پنجابی اتے تے پاکستان اتے راج وی پٹھان ' بلوچ ' ھندوستانی مھاجر ' جنوبی پنجاب تے دیہی سندھ دے عربی نزاد ای کردے رئے۔

جد کہ پاکستان وچ پنجابیاں دی آبادی پاکستان دا 60% ھون دے کرکے پاکستان دے بنن توں لے کے پاکستان دی فوج وچ سپاھی توں لے کے افسر تک اکثریت پنجابی دی رئی پر فوج دے سربراہ پٹھان تے ھندوستانی مھاجر رئے۔ ایس کرکے فوج دی پالیسی پٹھان تے ھندوستانی مھاجر بناندے رئے جد کہ عمل پنجابی افسر تے سپاھی کردے رئے۔

پنجابی چاھے پاکستان دی فوج وچ ھووے یا پاکستان دی سول بیوروکریسی ' صحافت تے سیاست وچ ھووے۔ جد تک پنجابی وچ سیاسی شعور پیدا نئیں ھوندا تے پاکستان دی فوج ' سول سروسز ' صحافت تے سیاست وچ پالیسی بنان دا کم پنجابی شروع نئیں کردا۔ اوس وقت تک پنجابی قوم نے سماجی تے سیاسی طور تے بحران وچ تے پاکستان نے عدم استحکام وچ ای رینا اے۔

ھن "پنجابی قوم پرستی" شروع ھون دے کرکے پنجابیاں نے وی سیاست دا کھیل کھیلنا تے سکھنا شروع کر دتا اے۔ ایس لئی امید اے کہ آھستہ آھستہ "اناڑی پنجابی قوم پرست" وی "سیاست دے کھلاڑی پنجابی قوم پرست" بن جان گے۔ پٹھان ' بلوچ ' ھندوستانی مھاجر ' جنوبی پنجاب تے دیہی سندھ دے عربی نزاد نال سیاسی مقابلہ کرن دے قابل وی ھو جان گے۔ جیس نال پنجابی قوم وی سماجی تے سیاسی بحران چوں نکلنا شروع ھو جائے گی تے پاکستان وچ وی استحکام ھون لگ پووے گا۔