پنجابیاں نوں اپنے پروگرام تے پالیسی دی بنیاد تے منظم کرو۔

پاکستان وچ پنجابیاں دی آبادی 12 کروڑ اے۔ پنجابی پاکستان وچ ھر تھاں تے ریندے نے۔ پنجابی قوم پرستی دا کم کرن والے آں نے پنجابیاں نوں پروگرام تے پالیسی دینی اے۔ نہ کہ پنجابیاں کولوں پروگرام تے پالیسی لینی اے۔ پنجابی قوم پرستی دا کم کرن والے آں نوں چائی دا اے کہ پنجابیاں نوں اپنے پروگرام تے پالیسی دی بنیاد تے منظم کرن۔

پنجابی قوم پرستی دا کم کرن والے آں دے پروگرام تے پالیسی نوں مننا 12 کروڑ پنجابیاں چوں ھر پنجابی لئی ضروری نئیں اے۔ جیہڑے پنجابی پسند کردے نے او پنجابی قوم پرستی دا کم کرن والے آں دے پروگرام تے پالیسی نوں قبول کرلیندے نے تے جیہڑے پنجابی پسند نئیں کردے او قبول نئیں کردے۔ ایس لئی جنہاں پنجابیاں نوں پنجابی قوم پرستی دا کم کرن والے آں دا پروگرام تے پالیسی پسند نئیں اے۔ او اپنا پروگرام تے پالیسی بنا کے 12 کروڑ پنجابیاں چوں اپنے پروگرام تے پالیسی تے عمل کرن تے کروان والے پنجابیاں تے دھیان دین تاکہ انہاں نوں اپنے پروگرام تے پالیسی تے عمل کروان تے کرن لئی منظم کر سکن۔

جد پنجابی قوم پرستی دا کم کرن والے 12 کروڑ پنجابیاں نوں نہ سئی پر اپنے اپنے علاقے وچ ای پنجابیاں نوں اپنے پروگرام تے پالیسی تے عمل کروان تے کرن لئی منظم کرن وچ کامیاب ھوگئے تے فے او سارے بیٹھ کے پنجابی قوم لئی سانجھا پروگرام تے پالیسی وی بنا لین گے۔ ایس لئی قوم پرستی دا کم کرن والے آپس وچ ٹکران دے بجائے اپنے اپنے علاقے وچ پنجابیاں نوں اپنے پروگرام تے پالیسی تے عمل کروان تے کرن لئی منظم کرن۔

پنجابی نیشنلسٹ فورم دا پروگرام تے پالیسی ' پنجابی نیشنلسٹ فورم دے زونل آرگنائزر تے ایگزیکٹو کمیٹی دے میمبر بناندے نے۔ پنجابی نیشنلسٹ فورم دے پروگرام تے پالیسی نوں مننا 12 کروڑ پنجابیاں چوں ھر پنجابی لئی ضروری نئیں اے۔

جیہڑے پنجابی پسند کردے نے او پنجابی نیشنلسٹ فورم دا پروگرام تے پالیسی قبول کرلیندے نے تے جیہڑے پنجابی پسند نئیں کردے او قبول نئیں کردے۔ پنجابی نیشنلسٹ فورم پروگرام تے پالیسی دین توں بعد صرف پنجابی نیشنلسٹ فورم دے پروگرام تے پالیسی نوں پسند کرکے اس پروگرام تے پالیسی تے عمل کروان والے پنجابیاں نوں ای منظم کرن وچ مصروف اے۔

جنہاں پنجابیاں نوں پنجابی نیشنلسٹ فورم دا پروگرام تے پالیسی پسند نئیں اے۔ او اپنا پروگرام تے پالیسی بنا کے 12 کروڑ پنجابیاں چوں اپنے پروگرام تے پالیسی تے عمل کرن تے کروان والے پنجابیاں تے دھیان دین تاکہ انہاں نوں اپنے پروگرام تے پالیسی تے عمل کروان تے کرن لئی منظم کر سکن۔

پنجابی نیشنلسٹ فورم دے زونل آرگنائزر تے ایگزیکٹو کمیٹی دے میمبر اپنے اپنے زون دے سماجی ' سیاسی تے معاشی مسئلے حل کرن تے دھیان دین۔ دوجے زون والے اپنے اپنے سماجی ' سیاسی تے معاشی مسئلے آپ ای حل کر لین گے۔ زونل آرگنائزراں دا آپس وچ تے زون دی ایگزیکٹو کمیٹی دے میمبراں دا آپس وچ اک دوجے نال تعلق تے تعاون ھونا چائی دا اے۔ تاکہ اک دوجے دے سنگی یا ساتھی بن سکن تے آپس وچ اک دوجے کولوں مدد لے تے دے سکن۔