پنجابی نال "جتھے دی کھوتی ' اوتھے آن کھلوتی" والی گل ھونی اے۔

اے چنگا ھویا کہ؛ سعودی عرب تے متحدہ عرب امارات نے مسلم مفاد دے بجائے اپنے مفاد دا کھل کے اظہار کرنا شروع کیتا ھویا اے۔ انج کرن دے کرکے مسلمان پنجابیاں نوں سمجھ آن لگ پئی اے کہ؛ مسلم امہ اپنے تھاں پر قوماں وچ اپنے اپنے مفاد دا مسئلہ وی ھوندا اے۔ ایس لئی اوکھے ویلے سجن بیلی ای کم آندے نے۔ مفاد پرست اپنا اپنا مفاد ویکھیا کردے نے۔

سعودی عرب تے متحدہ عرب امارات دے مسلم مفاد کے بجائے اپنے مفاد دا خیال کرن دے کرکے پاکستان دے بنن دے 73 سالاں بعد پنجابیاں وِچ ھن "اسلامک نیشنلزم" والی جذباتی سوچ تے رینی نئیں اے۔ ھن گل صرف "پاکستانی نیشنلزم" دی تے "پنجابی نیشنلزم" دی بچنی اے۔ ھن پنجابیان نوں سوچنا پینا اے کہ؛ سانجھے مفاد دے کرکے پنجابیاں دے سجن بیلی کون نے تے سجن بیلی کون نئیں نے؟

پاکستان دی 60٪ آبادی پنجابی اے تے 40٪ آبادی سماٹ ' براھوئی ' ھندکو ' کشمیری ' گلگتی بلتستانی ' کوھستانی ' چترالی ' سواتی ' ڈیرہ والی ' گجراتی ' راجستھانی ' بلوچ ' پٹھان ' ھندوستانی مھاجر اے پر پٹھان تے ھندوستانی مھاجر نے دوجیاں نوں اپنے تھلے لایا ھویا اے۔

پٹھان تے ھندستانی مھاجر ھر ویلے پنجابیاں دے خلاف سازش کردے ریہندے نے۔ پاکستان وچ "پٹھان تے مھاجر نیشنلزم" وی سب توں بوھتا اے۔ پاکستان دی اسٹیبلشمنٹ ' بیوروکریسی تے فوج وچ وی پنجابیاں توں بعد پٹھان تے ھندوستانی مھاجر ای نے۔ جد کہ پاکستان وچ "اسلامک نیشنلزم" والی جذباتی سوچ وی پٹھان تے ھندوستانی مھاجر ای پروموٹ کردے رئے نے تے ھن وی کردے نے۔

جد پٹھان تے ھندوستانی مھاجر دا پنجابیاں نوں چنگی طران پتہ لگ گیا کہ؛ پٹھان تے ھندوستانی مھاجر وی پاکستانی والی سانجھی سوچ دے بجائے پٹھان تے ھندوستانی مھاجر مفاد والی اپنی اپنی سوچ رکھدے نے نالے پنجابیاں دے سجن بیلی وی نئیں نے۔ تے فے صرف "پنجابی نیشنلزم" ای بچے گا۔ مطلب کہ "جتھے دی کھوتی ' اوتھے آن کھلوتی" والی گل ھو جانی اے۔

مسلمانان پنجابی پاکستان دی 60٪ آبادی ' پنجابی نیشن دی 56٪ آبادی ' مسلم امہ دی تیجی سب توں وڈی آبادی اے پر مسلمان پنجابی اپنی شناخت چھڈی بیٹھا اے۔ جد مسلمان پنجابی ' "پنجابی نیشنلسٹ" بن گیا تے فے پاکستان دی آں دوجیاں نیشنس نے تے کی سارے مسلمان ملکاں نے وی پنجابیاں نال بنا کے رکھن وچ ای اپنا مفاد سمجھیا کرنا اے۔

مسلمان پنجابی نوں اے سمجھ لینا چائی دا اے کہ؛ دنیا وچ چلدی اودی ای اے جیس کول "پاور" ھووے۔ مسلمان پنجابی جے "پنجابی نیشنلسٹ" بن کے "پنجابی نیشن" نوں کٹھا کر لے تے فے "پنجابی نیشن" نے دنیا دی 9 ویں سب توں وڈی نیشن ھونا اے تے او وی "مارشل ریس نیشن" تے "اٹامک پاور نیشن" ھونا اے۔ جد کہ ھیومن ریسورسس تے اکنامک ریسورس دا پنجابی نیشن نوں انج ای گھاٹا نئیں اے۔ رب نے پنجاب اتے اپنا فضل تے رحمت کیتی ھوئی اے۔