مسلمان پنجابی نوں کیہڑی زبان بولنی چائی دی اے؟

ھر جنے دا کوئی نہ کوئی مذھب ھوندا اے۔ ھر جنے دی کوئی نہ کوئی زبان وی ھوندی اے۔ ایس لئی مسلم امہ دا مذھب تے اسلام ای اے۔ پر ھر مسلمان دی زبان وکھری وکھری اے۔

ایس کرکے ای؛ ھر مسلمان اسلام دی تعلیمات تے عمل کرن دے نال نال۔ کوئی نہ کوئی زبان وی بولدا اے۔ ایس ویلے مسلماناں وچ بولیاں جان والیاں دس وڈیاں زباناں چوں؛

پہلی وڈی عربی زبان اے۔

دوجی وڈی بنگالی زبان اے۔

تیجی وڈی پنجابی زبان اے۔

چوتھی وڈی جاوانی زبان اے۔

پنجویں وڈی ترکی زبان اے۔

چھیویں وڈی فارسی زبان اے۔

ستویں وڈی پشتو زبان اے۔

اٹھویں وڈی اردو زبان اے۔

نویں وڈی سندانی زبان اے۔

دسویں وڈی ازبک زبان اے۔

بوھت سارے پنجابیاں دے پنجابی زبان نہ بولن دے باوجود وی،؛

1۔ دنیا وچ نویں نمبر تے بولی جان والی زبان پنجابی اے۔

2۔ برصغیر وچ تیجے نمبر تے بولی جان والی زبان پنجابی اے۔

3۔ مسلمہ امہ وچ تیجے نمبر تے بولی جان والی زبان پنجابی اے۔

ھن گل اے وے کہ؛

مسلمان پنجابی نوں کیہڑی زبان بولنی چائی دی اے؟

1۔ مسلمان پنجابی نوں اپنی زبان پنجابی ای بولنی چائی دی اے؟

2۔ مسلمان پنجابی نوں مسلماناں وچ بولی جان والی پنجابی زبان توں وڈی زبان بولنی چائی دی اے؟

3۔ مسلمان پنجابی نوں مسلماناں وچ بولی جان والی پنجابی زبان توں چھوٹی زبان بولنی چائی دی اے؟