پنجابیاں وچ پنجابی قوم پرستی دے شعور دا جاگݨا ضروری اے۔

پاکستان دی اسٹیبلشمنٹ پاکستان دے بݨݨ توں لے کے ای پٹھاݨ تے ھندوستانی مھاجر اسٹیبلشمنٹ بمقابلہ پنجابی اسٹیبلشمنٹ وچ تقسیم سی پر پنجابی اسٹیبلشمنٹ والے کبوتر بݨ کے اکھاں میٹ کے پنجابی دے بجائے مسلمان تے پاکستانی بݨے رئے یا اپݨے آپ نوں پنجابی دے بجائے مسلمان تے پاکستانی سمجھدے رئے تے اپنی قوم نوں وی مسلمان تے پاکستانی بݨݨ تے لاندے رئے پر پٹھاݨ اسٹیبلشمنٹ والے اپݨی قوم نوں پٹھاݨ قوم پرستی تے ھندوستانی مھاجر اسٹیبلشمنٹ والے اپݨی قوم نوں مھاجر قوم پرستی تے لاندے رئے۔ جد تک پنجابی اسٹیبلشمنٹ والے اپݨے آپ نوں پنجابی سمجھ کے پاکستان وچ قوماں دے سماجی اختلاف نئیں نبیڑدے ' اوس ویلے تائیں پاکستان دے انتظامی ' معاشی تے اقتصادی مسئلیاں تے گل بات کرنا تے محنت کوشش کرݨا "پاݨی وچ مدھاݨی" چلاݨا اے۔

پاکستان دی 60٪ آبادی پنجابی اے۔ جد کہ 40٪ آبادی سماٹ ' براھوئی ' ھندکو ' کشمیری ' گلگتی بلتستانی ' چترالی ' سواتی ' کوھستانی ' گجراتی ' راجستھانی ' پٹھاݨ ' بلوچ ' ھندوستانی مھاجر دی اے۔ کی پاکستان دی 60% آبادی پنجابی نوں پاکستان دی زراٰعت ' صنعت ' تجارت ' ھنرمندی دے پیشے آں ' سیاست ' صحافت ' سول سروسز ' ملٹری سروسز دے شعبے آں تے حکومت وچ چھایا ھویا نظر نئیں آݨا چائی دا؟

پاکستان دا صدر ھندوستانی مھاجر اے۔ پاکستان دا وزیر اعظم پٹھاݨ اے۔ پاکستان دی سینٹ دا چیئرمین بلوچ اے۔ پاکستان دی قومی اسمبلی دا اسپیکر پٹھاݨ اے۔ پاکستان دا چیف جسٹس بلوچ اے۔ پاکستان دی سینٹ دا ڈپٹی چیئرمین ھندوستانی مھاجر اے۔ پاکستان دی قومی اسمبلی دا ڈپٹی اسپیکر پٹھاݨ اے۔ زیادتی دی حد اے وے کہ پنجاب دا وزیر اعلی تک بلوچ اے۔ فے وی ھندوستانی مھاجراں ' پٹھاݨاں تے بلوچاں نوں تسلی نئیں اے کہ پاکستان تے انہاں دی حکمرانی اے۔ ایس دی وجہ کی اے؟

کراچی وچ اردو بولݨ والے ھندوستانی مھاجراں دی سماجی تے سیاسی بالادستی اے۔ کراچی وچ اردو بولݨ والے ھندوستانی مھاجراں دی پالیسی اے کہ کراچی وچ ریݨ والے پنجابیاں نوں "تن کے تے ٹھوک وجا کے رکھو"۔

دیہی سندھ وچ کردستانی نزاد بلوچاں تے عربی نزاداں دی سماجی تے سیاسی بالادستی اے۔ دیہی سندھ وچ کردستانی نزاد بلوچاں تے عربی نزاداں دی پالیسی اے کہ دیہی سندھ وچ ریݨ والے پنجابیاں نوں "تن کے تے ٹھوک وجا کے رکھو"۔

جنوبی پنجاب وچ کردستانی نزاد بلوچاں تے عربی نزاداں دی سماجی تے سیاسی بالادستی اے۔ جنوبی پنجاب وچ کردستانی نزاد بلوچاں تے عربی نزاداں دی پالیسی اے کہ جنوبی پنجاب وچ ریݨ والے پنجابیاں نوں "تن کے تے ٹھوک وجا کے رکھو"۔

بلوچستان دے بلوچ علاقے وچ کردستانی نزاد بلوچاں دی سماجی تے سیاسی بالادستی اے۔ بلوچستان دے بلوچ علاقے وچ کردستانی نزاد بلوچاں دی پالیسی اے کہ بلوچستان دے بلوچ علاقے وچ ریݨ والے پنجابیاں نوں "تن کے تے ٹھوک وجا کے رکھو"۔

بلوچستان دے پشتون علاقے وچ افغانی نزاد پشتوناں دی سماجی تے سیاسی بالادستی اے۔ بلوچستان دے پشتون علاقے وچ افغانی نزاد پشتوناں دی پالیسی اے کہ بلوچستان دے پشتون علاقے وچ ریݨ والے پنجابیاں نوں "تن کے تے ٹھوک وجا کے رکھو"۔

خیبر پختونخوا وچ افغانستانی نزاد پختوناں دی سماجی تے سیاسی بالادستی اے۔ خیبر پختونخوا دے پختون علاقے وچ افغانستانی نزاد پختوناں دی پالیسی اے کہ خیبر پختونخوا دے پختون علاقے وچ ریݨ والے پنجابیاں نوں "تن کے تے ٹھوک وجا کے رکھو"۔

وسطی پنجاب تے شمالی پنجاب وچ وی اردو بولݨ والے ھندوستانی مھاجر تے افغانستانی نزاد پٹھاݨ اپنی اپنی سماجی تے سیاسی بالادستی قائم کردے جا رئے نے۔ پنجاب وچ وی اردو بولݨ والے ھندوستانی مھاجراں تے افغانستانی نزاد پٹھاݨاں دی پالیسی اے کہ وسطی پنجاب تے شمالی پنجاب وچ وی پنجابیاں نوں "تن کے تے ٹھوک وجا کے رکھو"۔

پنجابیاں نوں اردو بولݨ والے ھندوستانی مھاجراں ' کردستانی نزاد بلوچاں ' افغانستانی نزاد پشتوناں ' پختوناں ' پٹھاݨاں ' دیہی سندھ تے جنوبی پنجاب دے عربی نزاداں نے ایس لئی "تن کے تے ٹھوک وجا کے رکھیا" ھویا اے کہ پنجابی ' پاکستان وچ ھر جگہ ' سماجی تے سیاسی طور تے ماڑا اے۔ ایس لئی سماجی تے سیاسی طور تے تگڑے ھوݨ دے کرکے اردو بولݨ والے ھندوستانی مھاجراں ' کردستانی نزاد بلوچاں ' افغانستانی نزاد پشتوناں ' پختوناں ' پٹھاݨاں ' دیہی سندھ تے جنوبی پنجاب دے عربی نزاداں نے پنجابیاں نوں پاکستان وچ ھر تھاں تے "تن کے تے ٹھوک وجا کے رکھیا" ھویا اے۔

اردو بولݨ والے ھندوستانی مھاجر ' کردستانی نزاد بلوچ ' افغانستانی نزاد پشتون ' پختون ' پٹھاݨ ' دیہی سندھ تے جنوبی پنجاب دے عربی نزاد ایس لئی سماجی تے سیاسی طور تے تگڑے نے کہ اناں نے اپنی اپنی قوم نوں " قوم پرستی دا سیاسی شعور" دے کے تگڑا کیتا ھویا اے۔ پنجابی ایس لئی سماجی تے سیاسی طور تے ماڑے نے کہ پنجابیاں نے اپنی قوم نوں " قوم پرستی دا سیاسی شعور نہ دے کے" آپ ای ماڑا کیتا ھویا اے۔

پاکستان وچ پاکستان دے ادارے آں تے پٹھاݨاں ' بلوچاں تے ھندوستانی مھاجراں ولوں بالادستی قائم رکھݨ دے کرکے پٹھاݨاں ' بلوچاں تے ھندوستانی مھاجراں ولوں پنجابیاں نال سیاسی جنگ ھو رئی اے۔ جد کہ پنجابی قوم پرستی نہ ھوݨ دے کرکے پنجابی اسٹیبلشمنٹ " دولے شاہ دے چوھے" بݨی ھوئی اے۔ پنجابی اسٹیبلشمنٹ جد ایس گل نوں سمجھے گی تے فے ای رپھڑ نبڑے گا۔ پنجابی اسٹیبلشمنٹ نوں پٹھاݨاں تے ھندوستانی مھاجراں ولوں "تن کے رکھݨ" دے کرکے پنجابی اسٹیبلشمنٹ نوں اے گل سمجھ لینی چائی دی اے کہ؛ او پنجابی نے تے کسے وی ملک وچ کسے قوم دی سماجی عزت ' معاشی استحکام تے انتطامی بالادستی وچ اوس قوم دی عوام دے سیاسی شعور دے نال نال اوس قوم دی اسٹیبلشمنٹ دا وی کردار ھوندا اے۔

پنجابیاں وچ پنجابی قوم پرستی دے شعور دا جاگݨا ضروری اے۔ خاص طور تے پنجابی سیاستداناں تے پنجابی صحافیاں دے نال نال پنجابی اسٹیبلشمنٹ وی جے پنجابی قوم پرست نہ بݨی تے فے پنجاب وی تباہ کروا بیٹھے گی تے پنجابی قوم وی برباد کروا بیٹھے گی۔ کیونکہ پاکستان وچ پٹھاݨ ' بلوچ تے ھندوستانی مھاجر ھر ویلے تے ھر تھاں پنجابیاں نوں گالاݨ کڈھدے نے کہ پاکستان وچ پنجابی اسٹیبلشمنٹ دا راج اے۔ جد پاکستان دی 60% آبادی پنجابی اے۔ تے فے کی پاکستان دے ھر وفاقی ادارے دا سربراہ وی پنجابی ای نئیں ھوݨا چائی دا؟ تاکہ پنجابیاں نوں پٹھاݨ ' بلوچ تے ھندوستانی مھاجر ناحق گالاݨ نہ کڈھݨ تے پاکستان دے وفاقی ادارے آں دے سربراہ وی پٹھاݨ ' بلوچ ' ھندوستانی مھاجر نہ بݨݨ۔ پاکستان وچ پنجابیاں نوں جنیاں گالاݨ دتیاں جا چکیاں نے ھݨ اونے ای وفاقی ادارے آں دے سربراہ پنجابی بݨاݨ توں بعد ای حساب کتاب برابر ھونا چائی دا اے۔