پنجابی قوم پرست اپنے اپنے شعبہ دا کم کرن۔

پاکستان بنن توں بعد پنجاب چوں شروع ھون والی پنجابی ثقافت موومنٹ ' پنجابی لینگویج موومنٹ وچ بدلن توں بعد ھن سارے پاکستان وچ پنجابی نیشنلسٹ موومنٹ بن چکی اے۔ ایس لئی گل صرف پنجابی ثقافت تے پنجابی لینگویج تک نئیں رئی۔ بلکہ پنجابی قوم پرستی تک اُپڑ چکی اے۔

ایس لئی سارے پاکستان وچ پنجابی قوم پرستی بوت تیزی نال ودھدی جارئی اے پر پنجابی قوم پرست ھجے تک پنجابی قوم پرستی دے مقامی سطح دے فالوور ' سپورٹر ' ورکر تے لیڈر نے۔ ایس کرکے اپنے اپنے علاقے تک محدود رے کے پنجابی قوم پرستی دا کم کر رئے نے۔

پاکستان دی سطح دے پنجابی قوم پرست ورکر تے لیڈر ھجے نئیں نے پر 2020 وچ ای پاکستان دی سطح دے پنجابی قوم پرست ورکر تے لیڈر وی سامنے آن لگ پینے نے۔

ایس لئی پنجابی قوم پرست ھن اپنے اپنے شعبہ دا کم کرن۔ دوجے پنجابی قوم پرستاں نال رابطہ کرکے اپنے اپنے شعبہ نوں مظبوط بنان۔

پنجابی قوم پرستی دا کم کرن دے شعبے نے؛

01۔ پنجابی زباں نوں اگے ودھان والا شعبہ۔

02۔ پنجابی ادب نوں اگے ودھان والا شعبہ۔

03۔ پنجابی ثقافت نوں اگے ودھان والا شعبہ۔

04۔ پنجاب وچ ھون والی سرائیکی شازش دا مقابلہ کرن والا شعبہ۔

05۔ بلوچستان وچ پنجابیاں نال ھون والے ظلم تے زیادتیاں دا مقابلہ کرن والا شعبہ۔

06۔ خیبر پختونخوا وچ پنجابیاں نال ھون والے ظلم تے زیادتیاں دا مقابلہ کرن والا شعبہ۔

07۔ سندھ وچ پنجابیاں نال ھون والے ظلم تے زیادتیاں دا مقابلہ کرن والا شعبہ۔

08۔ کراچی وچ پنجابیاں نال ھون والے ظلم تے زیادتیاں دا مقابلہ کرن والا شعبہ۔

09۔ پنجابیاں نوں ذات ' برادری ' نسل ' علاقے ' مذھب ' فرقے دی بنیاد تے تقسیم ھون توں بچا کے پنجابی قوم دی بنیاد تے کٹھا کرن والا شعبہ۔

10۔ پاکستان توں باھر رین والے پنجابیاں نال رابطہ رکھن والا شعبہ۔

ھر پنجابی قوم پرست اپنے اپنے شعبہ دا کم کرے۔ ایس طراں کرن نال؛

الف)۔ پنجابی قوم پرستی دا کم طریقے تے سلیقے نال ھون لگ پوے گا۔

ب)۔ ھر پنجابی اپنا وقت تے صلاحیتاں ضائع کرن دے بجائے اپنے شعبے تے لاوے گا۔

پ)۔ ھر پنجابی نوں اے وی سمجھ آن لگ پووے گی کہ او کیس شعبے وچ بوھتا چنگا کم کر سکدا اے۔

ت)۔ ھر پنجابی قوم پرست اپنے اپنے شعبہ دا ماھر وی بن جائے گا۔

ٹ)۔ پنجابی قوم پرستاں دی محنت دا فائدہ وی بوھتا ھون لگ پووے گا۔

ث)۔ پنجابی قوم پرستاں وچ اختلاف گھٹن تے اتفاق ودھن لگ پووے گا۔