پٹھان تے ھندوستانی مھاجر اسٹیبلشمنٹ توں بعد پنجابی اسٹیبلشمنٹ اپنا کم وکھائے گی۔

پاکستان دی 60% آبادی وی پنجابی اے تے پاکستان دی اسٹیبلشمنٹ وچ وی 60% پنجابی ای ھونے نے۔ ایس لئی آکھیا جاندا اے کہ؛ جے غیر پنجابی پاکستان دی حکومت بنان تے فے انہاں نوں پنجابی اسٹیبلشمنٹ دی نوکری کرنی پیندی اے۔ ایس لئی غیر پنجابی ھر ویلے پنجابی اسٹیبلشمنٹ دا رونا روندے ریہندے نے تے پنجابیاں نوں گالاں کڈھدے ریہندے نے۔

غیر پنجابی عقل نوں ھتھ مارکے اے کیوں نئیں سوچدے کہ؛

1۔ پاکستان دی 60% آبادی پنجابی اے تے پاکستان دی اسٹیبلشمنٹ وچ وی 60% پنجابی ای ھونے نے۔

2۔ پنجابیاں نوں راضی کیتے بغیر پاکستان تے حکومت کنج کرسکن گے؟

3۔ پاکستان تے حکومت کرن دی لوڑ کی اے؟ پاکستان دی اکثریت والی آبادی پنجابی نوں ای پاکستان تے حکومت کرن دین۔

غیر پنجابیاں نوں حکومت بنا کے پنجابی اسٹیبلشمنٹ دی نوکری پنجابی اسٹیبلشمنٹ وچ سیاسی شعور ھون دے کرکے نئیں بلکہ پنجابیاں دی آبادی بوھتی ھون دے کرکے کرنی پیندی اے۔ پر ایس دا فائدہ صرف ماجھے دے پنجابی نوں ھوندا اے۔ ماجھے توں بار ریہن والے پنجابی بڑے ذلیل تے خوار ھوندے نے۔

جد کہ پاکستان دے بنن توں لے کے اسٹیبلشمنٹ وچ ھندوستانی مھاجراں تے پٹھاناں نے پنجابی اسٹیبلشمنٹ نوں اپنا نوکر ای بنا کے رکھیا ھویا سی۔ ایس دی وجہ اے وے کہ؛ اسٹیبلشمنٹ وچ بوھتا ماجھے دا پنجابی اے۔ ماجھے دا پنجابی چاھے اسٹیبلشمنٹ وچ ھووے یا سیاست ' صحافت ' ھنرمندی دے پیشے وچ ھووے۔ سیاسی شعور دے لحاظ نال "ڈھگا" ای اے۔

پٹھاناں تے ھندوستانی مھاجراں وچ سیاسی شعور ھووے یا نہ ھووے پر قوم پرستی ضرور ھوندی اے۔ ایس کرکے انہاں دا پاکستان دے بنن توں لے کے پاکستان دی سیاست ' صحافت تے حکومت تے نئیں بلکہ پاکستان دی اسٹیبلشمنٹ تے وی قبضہ ریہیا۔ پٹھان تے ھندوستانی مھاجر اسٹیبلشمنٹ نوں پنجابی وزیر اعظم ھٹا کے پٹھان وزیر اعظم لان دا تے پنجاب دا وزیر اعلی پنجابی دے بجائے بلوچ نوں بنان دا بڑا شوق سی۔

پنجابی اسٹیبلشمنٹ جے پٹھان تے ھندوستانی مھاجر اسٹیبلشمنٹ نوں روک دی تے فے اسٹیبلشمنٹ دے اندر پنجابی اسٹیبلشمنٹ نال پٹھان تے ھندوستانی مھاجر اسٹیبلشمنٹ نے لڑ پینا سی۔ ایس لئی پنجابی اسٹیبلشمنٹ نے پٹھان تے ھندوستانی مھاجر اسٹیبلشمنٹ نوں انہاں دا شوق پورا کرن دتا۔

حکومت چوں ھٹانا تے حکومت وچ لیانا سوکھی گل اے پر حکومت نوں چلانا تے او وی پاکستان دی 60% آبادی پنجابی دی حمایت توں بغیر چلانا۔ بڑی اوکھی گل اے۔ ایس لئی پٹھان تے ھندوستانی مھاجر اسٹیبلشمنٹ کولوں اپنے پالتو پنجابی نال رلا کے وی ھن حکومت چلائی نئیں جا رئی۔

پاکستان دے بنن دے ستر ورھیاں بعد پنجابی اسٹیبلشمنٹ وچ وی ھن تھوڑا تھوڑا سیاسی شعور آندا جا ریہیا اے۔ ایس لئی پنجابی اسٹیبلشمنٹ تماشہ ویکھ رئی اے تاکہ پٹھان تے ھندوستانی مھاجر اسٹیبلشمنٹ اپنا شوق پورا کرلے تے اپنی قوم پرستی دی بھڑاس کڈھ لے۔ پٹھان تے ھندوستانی مھاجر اسٹیبلشمنٹ دا شوق پورا ھون تے قوم پرستی دی بھڑاس کڈھن توں بعد پنجابی اسٹیبلشمنٹ اپنا کم وکھائے گی۔