پنجابی قوم پرستی دا کم کرن دے خواھشمند پنجابی کی کرن؟

پی این ایف (پنجابی نیشنلسٹ فورم) دے پاکستان وچ 8 زون نے۔ پی این ایف دے ھر زون دا زونل آرگنائزر "پنجابی قوم دا آگو" بنن دی صلاحیت رکھدا اے۔ ایس لئی عملی میدان وچ کم کرسکدا اے تے کر وی ریہیا اے۔

پی این ایف دا ھر زونل آرگنائزر اپنی اپنی زون وچ پنجابیاں دے سماجی ' سیاسی ' معاشی ' انتظامی مسئلیاں دے مطابق پروگرام تے پالیسی بنا کے اپنی اپنی ایگزیکٹو کمیٹی دے میمبراں تے مشتمل ٹیم دے نال کم کر ریہیا اے۔ جد کہ اپنی اپنی زون وچ ڈسٹرکٹ ایگزیکٹو کمیٹی دے میمبر وی بنا ریہیا اے۔ ڈسٹرکٹ ایگزیکٹو کمیٹی دے میمبراں چوں ای ڈسٹرکٹ آرگنائزر بنائے جان گے۔

جیہڑے پنجابی چاھندے نے کہ او پنجابی قوم دی سماجی عزت ' سیاسی استحکام ' معاشی خوشحالی ' انتظامی بالادستی لئی کم کرن۔ او اپنی اپنی زون دے پی این ایف دے زونل آرگنائزر دی قیادت وچ پنجابی قوم پرستی دا کم کرسکدے نے۔

پنجابی قوم دی سماجی عزت ' سیاسی استحکام ' معاشی خوشحالی ' انتظامی بالادستی لئی کم کرن دے خواھشمند پنجابی اپنی وکھ تنظیم بناکے تے اپنا آگو بناکے وی پنجابی قوم پرستی دا کم کرسکدے نے۔