نویں نویں مذھب پرست تے قوم پرست دا حال اکو جیہا ھوندااے۔

جیس طراں جدوں کسے مسلمان نوں مذھب پرست بنن دا شوق چڑھدا اے تے او نماز پڑھن لگ جاندا اے۔ فے او ھر بندے نوں پھڑ پھڑ کے آکھن لگ پیندا اے کہ؛ توں نماز کیوں نئیں پڑھدا؟ کسے نوں ھمت نئیں ھوندی کہ اوس نوں آکھ سکے کہ؛ اسلام وچ نماز ھے پر صرف نماز وچ اسلام نئیں اے۔ اسلام وچ اپنے عمل صالح ' خواھشات حسنات والیاں تے قلبی خیالات حق والے بنانے پیندے نے۔

انج ای جدوں کسے پنجابی نوں قوم پرست بنن دا شوق چڑھدا اے تے او پنجابی بولن لگ جاندا اے۔ فے او ھر بندے نوں پھڑ پھڑ کے آکھن لگ پیندا اے کہ؛ توں پنجابی کیوں نئیں بولدا؟ کسے نوں ھمت نئیں ھوندی کہ اوس نوں آکھ سکے کہ؛

پنجابی لئی پنجابی بولنا تے انج ای ضروری اے پر پنجابی بولن دے نال نال پنجابی نوں اپنا ذھن وی پنجابی بنانا چائی دا اے۔ پنجابی ذھن صرف پنجابی بولدا ای نئیں۔ پنجابی ذھن سوچدا وی پنجابی وچ ای اے۔ پنجابی ذھن پنجاب تے پنجابیاں دے سماجی ' سیاسی ' معاشی ' اقتصادی مسئلے آں تے وی دھیان رکھدا اے۔

پنجابی ذھن پنجاب تے پنجابیاں دے سماجی ' سیاسی ' معاشی ' اقتصادی مسئلے آں تے غور وی کردا اے۔ پنجابی ذھن پنجاب تے پنجابیاں دے سماجی ' سیاسی ' معاشی ' اقتصادی مسئلے آں نوں حل کرن دی کوشش وی کردا اے۔