سماجی
کم سماجی تعلقات دی بنیاد تے کیتے جاندے نے پر سیاسی کم کرن لئی صرف سماجی تعلقات
کافی نئیں ھوندے۔ سیاسی کم کرن لئی سیاسی "بیانیہ" بناکے عوام نوں
"بیانیہ" دے پچھے لاکے سیاسی طور تے متحرک رکھنا پیندا اے۔
سیاسی
کم کرن والے اپنے سماجی تعلقات دی بنیاد تے ٹیم بناکے سیاسی "بیانیہ" وی
بناندے نے۔ ایس لئی اپنے بنائے ھوئے سیاسی "بیانیہ" نوں عوام وچ مقبول
کرلین والے "عوام تے راج" کردے نے۔
سیاست
وچ "بیانیہ" ایس لئی بنایا جاندا اے تاکہ؛ "بیانیہ" دے پچھے
لاکے عوام نوں سیاسی طور تے متحرک کیتا جاوے۔ ایس لئی اے ضروری نئیں کہ؛ سیاسی
"بیانیہ" مکمل طور تے حقیقت تے مبنی ھووے۔ سیاسی "بیانیہ" لیے
ضروری اے وے کہ؛ سیاسی "بیانیہ" نوں عوام قبول کرلے۔
سیاسی
"بیانیہ" جے مکمل طور تے حقیقت تے مبنی نہ ھووے تے چنگا ھوندا اے۔
کیونکہ کہ مد مقابل "بیانیہ" دے غلط ھون تے بحث کردا ریہندا اے تے
"بیانیہ" بنان والا عوام نوں اپنے بنائے ھوئے "بیانیہ" دے
پچھے لاکے عوام تے راج کردا ریہندا اے۔ پر "بیانیہ" دے صحیح یا غلط ھون دے
چکر وچ نئیں پیندا۔
سیاست دا اناڑی کھلاڑی "بیانیہ" نوں غلط ثابت کرن لئی مد مقابل نال
"مجھ دے اگے بین" بجان والا کم کردا ریہندا اے۔ پر "بیانیہ"
بنان والا سیاست دا ماھر کھلاڑی عوام وچ "بیانیہ" نوں مقبول رکھن والیاں
"سیاسی چالاں" چل کے عوام تے راج کردا ریہندا اے۔
No comments:
Post a Comment