پی این ایف تے جعلی پنجابی تنظیماں۔

پنجابی نیشنلسٹ فورم (پی این ایف) دا نیٹ ورک سارے پاکستان وچ اے۔ پاکستان وچ پی این ایف دے 8 زون نے۔ ھر زون وچ ایگزیکٹو کمیٹی دے 10 ' 10 میمبر نے۔ پی این ایف دے زونل آرگنائزر اپنی اپنی زون وچ ڈسٹرکٹ ایگزیکٹو کمیٹی دے میمبر تے ڈسٹرکٹ آرگنائزر بنان دا کم شروع کر رئے نے۔ اوس توں بعد پی این ایف نوں تحصیل دی سطح تے منظم کیتا جاوے گا۔ ایس طراں 2022 تک پی این ایف دی تنظیم سازی مکمل ھون توں بعد پی این ایف عوامی سطح تے کم شروع کرے گی۔

پی این ایف دی ٹیم وچ شامل ھون والے پنجابی لئی اعلی تعلیم یافتہ ' باصلاحیت ' خوش اخلاق تے سیاسی شعور والا ھونا ضروری اے۔ پی این ایف دی ٹیم اپنے اپنے زون وچ پنجابیاں دے سماجی ' معاشی ' سیاسی ' انتظامی مسائل دے مطابق پروگرام بنا کے کم کردی اے۔ جد کہ پی این ایف دے زونل آرگنائزر آپس وچ رابطے وچ ریہندے نے تے زون دی ایگزیکٹو کمیٹی دے میمبر آپس وچ رابطے وچ ریہندے نے۔

پاکستان وچ پی این ایف توں علاوہ وی پنجابی قوم پرست تنظیماں کم ریہیاں نے پر پنجابی قوم پرستی دا کم کرن والے ایہو جئے پنجابی وی نے جنہاں نوں نہ لانی آندی اے تے نہ نبھانی آندی اے۔ اے آپ کلے کلے نے پر اجڑ وانگوں کٹھے ھو کے آپس وچ جگتاں کردے ریہندے نے تے کدے کدے سڑکاں تے آکے تماشہ وی لاندے نے۔ انہاں نے جعلی پنجابی تنظیماں وی بنائیاں ھوئیاں نے تے اے اپنی اپنی تنظیم دے کلے ای عہدیدار نے۔ نہ اپنے آپ توں علاوہ انہاں دی تنظیم دے دوجے عہدیدار نے تے نہ انہاں دی تنظیم دی پاکستان یا پنجاب دی سطح تے تنظیم اے۔ ایس لئی سمجھدے نے کہ؛ پنجابی قوم پرستی دا کم کرن والی پی این ایف وی انہاں وانگ منظم نئیں ھونی۔

جعلی پنجابی تنظیماں بناکے پنجابی قوم پرستی دا کم کرن والے مراثی مزاج دے پنجابی نے جنہاں نوں پنجابی قوم دا آگو بنن دا شوق اے۔ جد کہ آگو مراثی نئیں ھوندے تے مراثی آگو نئیں بن سکدے۔ ایس لئی اے پنجابی قوم پرستی دا کم کرن والے مراثی پی این ایف دی ٹیم نال پنگا لین تے پنجابی قوم پرستاں نوں گمراہ کرن وچ لگے ریندے نے۔ کیونکہ انہاں نوں پی این ایف توں مسئلہ اے وے کہ؛ پی این ایف دی ٹیم انہاں دی جڑاں وچ بیٹھ گئی اے۔ جد کہ اے دولے شاہ دے چوھے نے۔ انہاں چولاں نوں اے تک نئیں پتہ کہ؛ پنجابی قوم پرستی دا مطلب اے کہ؛ پنجابی قوم دی سماجی عزت ' معاشی خوشحالی ' انتظامی بالادستی ' اقتصادی ترقی لئی جدوجہد کرنا۔

جعلی پنجابی تنظیماں بناکے پنجابی قوم پرستی دا کم کرن والے مراثیاں وانگوں جگتا کرن نوں پنجابی قوم پرستی بنا رئے نے۔ انہاں کولوں نہ پنجابی قوم دی سماجی عزت لئی کم کر ھوندا اے۔ نہ پنجابی قوم دی معاشی خوشحالی لئی کم کر ھوندا اے۔ نہ پنجابی قوم دی انتظامی بالادستی لئی کم کر ھوندا اے۔ نہ پنجابی قوم دی اقتصادی ترقی لئی کم کر ھوندا اے۔ بلکہ انہاں نوں اے ای پتہ نئیں ھونا کہ؛ سماجی ' معاشی ' انتظامی ' اقتصادی مسئلے کی ھوندے نے تے انہاں دی وجہ کی ھوندی اے تے انہاں دا حل کی ھوندا اے؟