پاکستان تے حکومت پٹھان تے ھندوستانی مھاجر کردے رئے پر گالاں پنجابیاں نے کھادیاں؟

پاکستان دے بنن توں لے کے پاکستان دی فوج تے کنٹرول پٹھاناں دا ریہیا۔ پاک فوج دا پہلا پنجابی سربراہ مشرقی پاکستان دے بنگلادیش بنن توں بعد پٹھان جنرلاں نوں فوج چوں کڈھن دے کرکے 1972 وچ جنرل ٹکا خان بنیا۔ جد کہ پاکستان دی بیوروکریسی تے کنٹرول ھندوستانی مھاجراں دا ریہیا۔

پاکستان وچ پٹھاناں تے ھندوستانی مھاجراں دی آبادی گھٹ اے۔ پہلے بنگالیاں دی آبادی بوھتی سی تے ھن پنجابیاں دی آبادی بوھتی اے۔ جمہوریت وچ راج اکثریت کردی اے۔ ایس لئی پہلے بنگالیاں تے پنجابیاں نوں پر ھن پنجابیاں تے سندھیاں نوں جمہوریت دا فائدہ اے۔

پٹھاناں تے ھندوستانی مھاجراں دی آبادی گھٹ ھون دے کرکے پٹھاناں تے ھندوستانی مھاجراں نوں نہ پہلے جمہوریت دا فائدہ سی تے نہ ھن فائدہ اے۔ پر پٹھاناں تے ھندوستانی مھاجراں وچ قوم پرستی ھون دے کرکے تے پنجابیاں وچ قوم پرستی نہ ھون دے کرکے؛

1۔ اک پاسے پٹھان تے ھندوستانی مھاجر دانشوراں تے سیاستداناں نے فوج تے بیوروکریسی دے پٹھاناں تے ھندوستانی مھاجراں نال ساز باز کرکے پاکستان وچ آمریت قائم کری رکھی۔

2۔ دوجے پاسے پٹھان تے ھندوستانی مھاجر دانشور تے سیاستدان گالاں فوج تے بیوروکریسی بلکہ پنجابی فوج تے پنجابی بیوروکریسی نوں کڈھ کے اے تاثر دیندے رئے کہ؛ پاکستان وچ آمریت دی وجہ پنجابی فوج تے پنجابی بیوروکریسی اے۔ بلکہ پنجابی ای نے۔

3۔ تیجے پاسے مشرقی پاکستان دے مغربی پاکستان توں آبادی وچ بوھتا ھون دے باوجود وی بنگالیاں نوں وفاقی حکومت دی سرکاری ملازمتاں وچ انہاں دی آبادی دے حساب نال حصہ نئیں دتا۔ بلکہ مشرقی پاکستان وچ صوبائی سطح تے وی بنگالیاں نوں صوبائی حکومت دی سرکاری ملازمتاں وچ انہاں دی آبادی دے حساب نال حصہ دیں دے بجائے بہاریاں نوں مسلط کری رکھیا۔ جد کہ قائد اعظم محمد علی جناح دے 1948 وچ ڈھاکہ وچ کھڑے ھوکے پاکستان دی قومی زبان اردو کرن دا اعلان کرن دے کرکے تے لیاقت علی خان ولوں ایس اعلان تے خوشی خوشی عمل کروان دے کرکے تے بنگالی زبان تے بنگالی قوم پرستی دی تحریک چلان والے آں نال ظلم تے زیادتی کرکے تحریک چلان والے آں دے ھتھوں پنجاب تے پنجابیاں نوں آمر ' غاصب ' بنگالی قوم دا استحصال کرن والے تے مشرقی پاکستان نوں لٹن والا اکھوا اکھوا کے پنجابیاں نوں گالاں کڈھواندے رئے۔

بنگالیاں دی پنجابیاں نوں گالاں کڈھن دی وجہ اے سی کہ؛

پنجاب وچ ریہن والے تے پنجابی قوم دا فرد ھون وچ فرق رکھیا جانا چائی دا سی۔ پر پنجابیاں وچ "پنجابی قوم پرستی" نہ ھون دے کرکے پنجاب وچ رھن والے تے پنجابی قوم دا فرد ھون وچ فرق نئیں رکھیا جاندا سی۔

پنجابیاں ولوں پنجاب وچ رھن والے ھر فرد نوں پنجابی تسلیم کرلین دا نتیجہ اے نکلیا کہ؛

اک تے پنجابیاں دے بجائے پنجاب تے پاکستان تے حکمرانی پنجاب وچ رھن والے غیر پنجابی کردے رئے۔

دوجا پنجاب نال تعلق رکھن والے غیر پنجابیاں دے کرتوتاں نوں پنجابی قوم دے کھاتے وچ پایا جاندا ریہیا۔

ایس کرکے بنگالیاں دی پنجابیاں دے خلاف نفرت دی اھم وجہ اے بنی کہ بنگالیاں وچ اے تاثر پیدا کیتا جاندا ریہیا کہ؛

الف)۔ پاکستان دا پہلا وزیر اعظم ھندوستانی مھاجر لیاقت علی خان کرنال وچ پیدا ھون والا پنجابی اے۔

ب)۔ پاکستان دا تیسرا گورنر جنرل پٹھان غلام محمد لاھور وچ پیدا ھون والا پنجابی اے۔

پ)۔ پاکستان دا پہلا مارشل لاء ایڈمنسٹریٹر تے صدر پٹھان ایوب خان ھری پور ھزارہ وچ پیدا ھون والا پنجابی اے۔

ت)۔ پاکستان دا دوسرا مارشل لاء ایڈمنسٹریٹر تے صدر پٹھان یحی خان چکوال وچ پیدا ھون والا پنجابی اے۔

ٹ)۔ کمانڈر ایسٹرن کمانڈ پاک آرمی ' گورنر مشرقی پاکستان تے 1971 دی جنگ وچ مشرقی پاکستان وچ بھارتی فوج دے پنجابی جنرل اروڑہ اگے ھتھیار پان والا پٹھان اے کے نیازی میانوالی وچ پیدا ھون والا پنجابی اے۔

4۔ چوتھے پاسے صوبہ سرحد وچ خان غفار خان دی "آزاد پختونستان" تحریک نوں اندروں اندروں بھڑکاندے رئے تاکہ پنجابیاں نوں اے جتاندے ریہن کے پاک فوج دے پٹھاناں نے تے صوبہ سرحد وچ ریہن والے پٹھاناں نے پاکستان دشمن خان غفار خان دی "آزاد پختونستان" بنان دی سازش نوں ناکام کیتا ھویا اے۔ نئیں تے "آزاد پختونستان" بن جانا سی۔ ایس چال دے کرکے؛

الف)۔ اک تے پنجابی "آزاد پختونستان" دے حامی پٹھاناں نوں گالاں کڈھدے رئے تے پاک فوج دے پٹھاناں تے "آزاد پختونستان" دی تحریک دے مخالف پٹھاناں دی آں تعریفاں کردے رئے۔ بلکہ انہاں نوں پنجاب وچ کاروبار کرن تے آباد ھون وچ مدد وی کردے رئے۔ نالے فوج وچ ودھ توں ودھ صوبہ سرحد دے پٹھان بھرتی ھون تے خوش وی ھوندے رئے۔

ب)۔ دوجا حکومت وچ پٹھاناں دے اثر و رسوخ دے کرکے صوبہ سرحد وچ ھندکو پنجابیاں دی زمین تے پٹھان قابض ھوندے رئے۔ صوبہ سرحد وچ سرکاری ملازمتاں وی حاصل کردے رئے تے اپنا سیاسی اثر و رسوخ وی قائم کردے رئے۔ بلکہ پنجاب دے مغربی علاقے وچ وی قابض ھوگئے۔

پ)۔ تیجا "آزاد پختونستان" دی تحریک چلان والے آں دے ھتھوں پنجاب تے پنجابیاں نوں آمر ' غاصب ' پٹھان قوم دا استحصال کرن والے تے صوبہ سرحد نوں لٹن والا اکھوا اکھوا کے پنجابیاں نوں گالاں کڈھواندے رئے۔

5۔ پنجویں پاسے بلوچستان وچ خیر بخش مری دی "آزاد بلوچستان" تحریک نوں اندروں اندروں بھڑکاندے رئے تاکہ پنجابیاں نوں اے جتاندے ریہن کے پاک فوج دے پٹھاناں نے تے بلوچستان وچ ریہن والے پٹھاناں نے پاکستان دشمن خیر بخش مری دی "آزاد بلوچستان" بنان دی سازش نوں ناکام کیتا ھویا اے۔ نئیں تے "آزاد بلوچستان" بن جانا سی۔ ایس چال دے کرکے؛

الف)۔ اک تے پنجابی "آزاد بلوچستان" دے حامی بلوچاں نوں گالاں کڈھدے رئے تے پاک فوج دے پٹھاناں تے بلوچستان وچ ریہن والے "آزاد بلوچستان" دی تحریک دے مخالف پٹھاناں دی آں تعریفاں کردے رئے۔ بلکہ انہاں نوں پنجاب وچ کاروبار کرن تے آباد ھون وچ مدد وی کردے رئے۔ نالے فوج وچ ودھ توں ودھ بلوچستان دے پٹھان بھرتی ھون تے خوش وی ھوندے رئے۔

ب)۔ دوجا حکومت وچ پٹھاناں دے اثر و رسوخ دے کرکے بلوچستان وچ براھوئی دی زمین تے پٹھان قابض ھوندے رئے۔ بلوچستان وچ سرکاری ملازمتاں وی حاصل کردے رئے تے اپنا سیاسی اثر و رسوخ وی قائم کردے رئے۔ بلکہ بلوچستان وچ جیس علاقے تے قابض ھوسکدے سن اوس علاقے تے قابض ھوگئے۔

پ)۔ تیجا "آزاد بلوچستان" دی تحریک چلان والے آں دے ھتھوں پنجاب تے پنجابیاں نوں آمر ' غاصب ' بلوچ قوم دا استحصال کرن والے تے بلوچستان نوں لٹن والا اکھوا اکھوا کے پنجابیاں نوں گالاں کڈھواندے رئے۔

6۔ چھیویں پاسے سندھ وچ جی ایم سید دی "آزاد سندھو دیش" تحریک نوں اندروں اندروں بھڑکاندے رئے تاکہ پنجابیاں نوں اے جتاندے ریہن کے پاک فوج دے پٹھاناں نے ' ھندوستانی مھاجر بیوروکریسی نے تے سندھ وچ ریہن والے ھندوستانی مھاجراں نے پاکستان دشمن جی ایم سید دی "آزاد سندھو دیش" بنان دی سازش نوں ناکام کیتا ھویا اے۔ نئیں تے "آزاد سندھو دیش" بن جانا سی۔ ایس چال دے کرکے؛

الف)۔ اک تے پنجابی "آزاد سندھو دیش" دے حامی سندھیاں نوں گالاں کڈھدے رئے تے پاک فوج دے پٹھاناں ' ھندوستانی مھاجر بیوروکریسی تے سندھ دے شھری علاقیاں وچ ریہن والے "آزاد سندھو دیش" دی تحریک دے مخالف ھندوستانی مھاجراں دی آں تعریفاں کردے رئے۔ بلکہ انہاں نوں پنجاب وچ کاروبار کرن تے آباد ھون وچ مدد وی کردے رئے۔ نالے فوج وچ تے بیوروکریسی وچ ودھ توں ودھ سندھ دے ھندوستانی مھاجر بھرتی ھون تے خوش وی ھوندے رئے۔

ب)۔ دوجا حکومت وچ ھندوستانی مھاجراں دے اثر و رسوخ دے کرکے سندھ وچ سندھیاں دی زمین تے ھندوستانی مھاجر قابض ھوندے رئے۔ سندھ وچ سرکاری ملازمتاں وی حاصل کردے رئے تے اپنا سیاسی اثر و رسوخ وی قائم کردے رئے۔ بلکہ سندھ دے شھری علاقیاں تے خاص کرکے کراچی تے حیدرآباد وچ مکمل طور تے قابض ھوگئے۔

پ)۔ تیجا "آزاد سندھو دیش" دی تحریک چلان والے آں دے ھتھوں پنجاب تے پنجابیاں نوں آمر ' غاصب ' سندھی قوم دا استحصال کرن والے تے سندھ نوں لٹن والا اکھوا اکھوا کے پنجابیاں نوں گالاں کڈھواندے رئے۔